Partiya Divanı korrupsionerlərin mətbuata təzyiq etdiklərini bildirir

Müsavat Partiyasının Divanı növbəti toplantısını keçirib, ölkə və partiya həyatı ilə bağlı məsələlər müzakirə edilib.  
Toplantıda “Ismayillı hadisələri” ilə bağlı Şəkidə, NİDAçıların məhkəmə proseslərilə bağlı Bakıda keçirilən məhkəmə proseslərinə toxunulub. Şəki Ağır Cinayətlər Məhkəməsində iştirak etmək istəyən Müsavat Partiyası rəhbərliyinin zaldan çıxaırlmasını toplantı iştirakçıları “məhkəmələrin bərbad durumda olmaları” kimi dəyərləndirib.
Divan öz haqları uğrunda mübarizə aparan BDU və s. unuversitet tələbələrinin etirazlarını haqlaı sayaraq gənclərə qarşı repressiyaları pisləyiblər.
“Azadlıq” radiosunun əməkdaşı Yafəz Əkrəmoğlunun ölüm təhdidlərinə məruz qalmasına görə dövlət başçısı İlham Əliyevin üzərinə məsuliyyət düşdüyü vurğulanır. “Bizim Yol” qəzetinin əməkdaşı Natiq Cavadlının ölkədə korrupsiya faktlarına ifşa edən iqtisadçı Qubad İbadoğlundan götürdüyü müsahibəyə görə işdən çıxarıldığı qeyd edilir. Divan bu addımı “korrupsionerlərin mətbuata təzyiqi” sayır.  
Divan üzvləri Ukrayna xalqını avtoritarizm üzərində qələbə münasibətilə təbrik edib, bu qələbə postsovet məkanındakı avtoritar rejimlərə xəbərdarlıq hesab olunub.
Bu il fevralın 28-də partiya ofisində “Ukrayna inqilabı və onun postsovet məkanına təsiri” mövzusunda siyasətçilərin və ekspertlərin iştirakı ilə “dəyirmi masa” keçirilməsi haqda qərar qəbul edilib.
Partiya Divanı Xocalı faciəsinin növbəti ildönümü ilə bağlı fevralın 26-da “Xocalı abidəsi”ni ziyarət etmək barədə qərar qəbul edib.-05D-