Ukrayna Quru Qoşunlarının Ali Baş Komandanı bildirib ki, Rusiya Xarkov vilayətində qoşunlarını artırır

AP:  Ukrayna Hərbi Hava Qüvvələri cümə axşamı bildirib ki, Rusiya qanadlı raketlər, pilotsuz uçuş aparatları və ballistik raketlərdən istifadə etməklə Ukraynaya bir sıra hava hücumları həyata keçirib, quru qoşunlarının baş komandanı isə Rusiyanın Xarkov vilayətində qoşunlarının cəmləşdiyini bildirib.

Ukrayna Baş Kəşfiyyat İdarəsinin hərbi kəşfiyyatı dəniz qüvvələrinə məxsus pilotsuz təyyarələrin Rusiyanın ilhaq etdiyi Krım yarımadası yaxınlığında Qara dənizdə Rusiyanın iki KS-701 patrul katerini məhv etdiyini bildirib. Rusiya rəsmiləri hələlik şərh vermirlər.

Hərbi Hava Qüvvələri bildirib ki, gecə hücumlarında səkkiz S-300 ballistik raketi, 11 qanadlı raket və 32 “Şahed” pilotsuz uçan aparatı iştirak edib. Bütün pilotsuz təyyarələr və yeddi qanadlı raket vurulub, deyə Hərbi Hava Qüvvələri bildirib, lakin əlavə təfərrüat verməyib.

Ukraynanın ikinci böyük şəhəri Xarkovda hücumlar nəticəsində 7 nəfər yaralanıb və ictimai xidmət binası yandırılıb, vilayət qubernatoru Oleq Sinequbov bildirib. Xmelnitski və Dneprdə də Rusiya aviasiyasının zərbələri endirilib, lakin itki yoxdur.

Ukrayna ordusunun baş komandanı, general-polkovnik Aleksandr Sırski cümə axşamı özünün “Facebook” səhifəsində bildirib ki, Rusiya iki əsas hərbi əməliyyat ocağında qüvvələr artırmaq üçün Ukraynanın digər bölgələrindən Xarkov vilayətinə ordu hissələrini köçürür. Sırski Ukraynanın da bölgəyə ehtiyat qoşunlarını yerləşdirdiyini bildirib.

Rusiya Müdafiə Nazirliyi bildirib ki, onun hava hücumundan müdafiə qüvvələri həm Rusiya, həm də Ukraynanın Rusiyanın nəzarətində olan ərazisi ilə həmsərhəd olan Azov dənizi üzərində ABŞ istehsalı olan 8 ATACMS raketini vurub.

Rusiyanın Xarkovla həmsərhəd olan və Ukrayna tərəfdən hər gün atəşə tutulan Belqorod vilayətində pilotsuz təyyarənin partlaması nəticəsində bir nəfər yaralanıb.

ABŞ-ın hərbi yardımının uzun müddət gecikdirilməsi və Qərbi Avropada kifayət qədər hərbi istehsalın olmaması Ukrayna üçün kritik döyüş bölgəsi təchizatını ləngidib və Rusiya Xarkov bölgəsində irəliləyiş əldə etmək üçün gecikmələrdən istifadə edib.

Rusiya Ukrayna ordusunun mövqelərinə və mülki ərazilərə, o cümlədən elektrik şəbəkəsi obyektlərinə zərbələr endirib.

ABŞ dövlət katibi Entoni Blinken cümə axşamı Rusiyanın dezinformasiya yolu ilə demokratiyalarda nifaq salmaq səylərini tənqid edib. O, Bayden administrasiyasının tezliklə Ukraynaya Rusiya ərazisinə zərbələr endirmək üçün ABŞ tərəfindən təchiz edilmiş hərbi sursatlardan istifadə etməyə icazə verə biləcəyinə işarə edib.

Praqada NATO xarici işlər nazirlərinin görüşündə Blinken Moskvanın dezinformasiyadan istifadə etməsini misal çəkərək, bunu “zəhər” adlandırıb və bununla mübarizə üçün Çexiya hökuməti ilə müqavilə imzalayıb.

Blinken çərşənbə axşamı deyib ki, ABŞ-ın Ukraynanın Amerika silahlarını necə yerləşdirməsi ilə bağlı siyasəti daim dəyişir. O, Vaşinqtonun Ukraynanın Rusiya ərazisinə hücum etmək üçün istifadəsinə dair yazılmamış qadağanı aradan qaldıra biləcəyini ehtimal edib.

ABŞ rəsmiləri heç bir rəsmi qadağanın olmadığını israr etsələr də, eyham vuururlar ki, ABŞ silahlarının Rusiya daxilindəki hədəfləri vurmaq üçün istifadəsi, Rusiya prezidenti Vladimir Putinin vəd etdiyi kimi, Moskvadan cavabla nəticələnə bilər.

Məsələ ilə tanış olan üç ABŞ rəsmisi cümə axşamı AP-yə bildirib ki, prezident Co Bayden Ukraynaya Xarkovu müdafiə etmək üçün məhdud məqsədlə Rusiya ərazisinə zərbələr endirmək üçün ABŞ silahlarından istifadə etməyə icazə verib.

Adının açıqlanmasını istəməyən rəsmilər vurğulayıblar ki, ABŞ-ın Ukraynanı Rusiya ərazisinə hücum zərbələri endirmək üçün ABŞ-ın verdiyi uzaqmənzilli raketlərdən və digər hərbi sursatlardan istifadə etməməyə çağıran siyasəti dəyişməyib