Vaşinqtonda dini etiqad azadlığına yardım sammiti keçiriləcək

Bakı / 07.07.19 / Turan: ABŞ Dövlət Departamenti cümə axşamı bəyan edib ki, gələn həftə Vaşinqtonda, Kolumbiya dairəsində konfrans keçiriləcək. "Tədbir indiyədək dünyada etiqad azadlığı sahəsində keçirilmiş ən böyük tədbir" olacaq. Konfransda dini təqiblər, ayrı-seçkilik, bütün dünyada azadlığa, dinə və ya əqidəyə daha çox hörmətin təmin edilməsi məsələləri müzakirə olunacaq.

İyulun 11-də ABŞ-ın etiqad azadlığı məsələləri üzrə səfiri Sem Braunbek jurnalistlərə bildirib ki, əlaqədar tərəflərin geniş dairəsi, o cümlədən hökumətlərin onlarla naziri, beynəlxalq təşkilatların nümayəndələri, vətəndaş cəmiyyətinin və dini icmaların 1000-ə yaxın nümayəndəsi hamı üçün dini etiqad azadlığının irəliləməsi üzrə beynəlxalq öhdəlikləri təsdiqləyəcəklər.

Dünyadakı dini icmaların adından işləyən bir qrup vətəndaş cəmiyyətinin rolu ilə bağlı Turan-ın Vaşinqton müxbirinin sualına cavabda Braunbek deyib ki, dini sammitin ilk iki günü vətəndaş cəmiyyəti və din xadimləri üçün, sonuncu gün hökumətlər üçün gün nəzərdə tutulub.

"Siyasətçilər və hökumətlər tez-tez dindarlardan və dini icmalardan səmərəli yardım alırlar. Başqa sözlə, dindarlar və dini icmalar həqiqətən ölkə və cəmiyyət üçün ideya və fəlsəfi istiqamətlərin formalaşmasına kömək edir.

Dini qrupları bir-birinin dini azadlığına tərəfdar olması bir araya gətirə bilsək yaxşı olar. Ümid edirik ki, bu, səmərəli yardım siyasətinə və bunun dəstəklənməsi üçün hökumətin işinə təsir edə bilər.Və biz bunun tezliklə baş verməsini istəyirik. Biz həmçinin istəyirik ki, bu, hər yerdə baş versin. Bu, dünyanın harasında olmasından asılı olmayaraq hər kəsin haqqıdır", - Braunbek Vaşinqton Xarici Mətbuat Mərkəzinin təşkil etdiyi tədbirdə bildirib.

Lakin Vaşinqtonda keçiriləcək tədbirdə Azərbaycanın rəsmi şəxsləri və vətəndaş cəmiyyəti qruplarının iştirak edib-etməyəcəyi aydın olmayıb.

ABŞ-ın beynəlxalq etiqad azadlıq üzrə komissiyasının (USCIRF) məlumatına görə, Azərbaycan sistematik olaraq din və əqidə azadlığını pozur.

ABŞ hökumətinin bölgədə dini etiqad azadlığını necə qoruya bilməsilə bağlı son tövsiyələrində USCIRF bəzi addımlar təklif edib ki, bunlar kiçik dini qrupların adından işləyən amerikalı diplomatlar və hüquq müdafiəçiləri arasında əlaqələrin möhkəmdirilməsi məsələlərində azlıqlar qrupunun məlumatlılığını və anlayışını artıra bilər. -0-