Açiq mənbələrdən foto.
Bakı/02.06.21/Turan: İyunun 2-də Azərbaycanda Aİ 95 markalı benzinin qiyməti bir litrə görə 15 qəpik, 1,25 manatdan 1,4 manatadək artıb. AI 98-in qiyməti 1,4 manatdan 1,55 manata yüksəlib.
Lakin bu məsələ ilə bağlı Tarif Şurasının qərarı olmayıb. SOCAR Dövlət Neft Şirkətinin nümayəndəsi İbrahim Əhmədov mətbuat üçün şərhində bildirib ki, artımın səbəbi odur ki, bu markalardan olan benzin idxal edilir və dünya bazarında qiymətlərdən asılıdır.
Belə ki, bir il yarım bundan öncə neftin qiyməti enməzdən öncə "premium" markalı benzinin qiyməti 1,5 manat idi. Sonra neft ucuzlaşanda qiymət 1,2 manata endi. Sonra 1,25 manata, indi isə 1,4 manata qədər artdı. Əhmədov bu dəyişiklikləri dünya bazarındakı vəziyyətlə izah edib.
Aİ-92 markalı benzinə və dizel yanacağına gəlincə, onlar ölkə daxilində istehsal olunur və idxaldan asılı deyil.
2022-ci ildə Bakıda neft emalı zavodunun modernləşdirilməsi başa çatacaq və Azərbaycanda lazımi miqdarda AI-95 benzini istehsal olunacaq və bu benzinin qiyməti dünya qiymətlərindən asılı olmayacaq, SOCAR-ın nümayəndəsi bildirib. -02D-
Enerji
-
Qazaxıstanın “Kazmunaigas” (KMG) dövlət şirkəti “Kaşaqan” yatağından hasil edilən neftin ilk partiyasını Bakı-Tbilisi-Ceyhan (BTC) neft kəməri ilə ixrac üçün Bakıya göndərib. Bu barədə şirkətin mətbuat xidməti məlumat yayıb.
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
Rəy yaz