“Azəri-Çıraq-Günəşli” blokunda hasilat başlanılandan (noyabr 1997-ci ildən 15 avqust 2016-cı ilədək) 3 mlrd barrel (405 mln ton) neft çıxarılıb, deyə BP-Azerbaijan şirkəti məlumat verir.
«Bu, istər Azərbaycan, istərsə də BP üçün mühüm gündür», –BP-Azerbaijan prezidenti Qordon Birrelə istinadən bildirilir.
Azəri-Çıraq-Günəşli” blokunda hasilat üzrə saziş 20 sentyabr 1994-cü ildə bağlanılıb.
Layihə iştirakçıları bunlardır: BP (35,78% - operator), Chevron (11,27%), ExxonMobil (8%), ONGC (2,72%), SOCAR (11,65%), Inpex Corp. (10,96%), ITOCHU Oil (4,3%), Statoil (8,56%), TPAO (6,75%).
* “Çıraq” yatağından hasilat 1997-ci ilin noyabrından, “Mərkəzi Azəri”dən 13 fevral 2005-ci ildən, “Qərbi Azəri”dən 30 dekabr 2005-ci ildən, “Şərqi Azəri”dən 21 oktyabr 2006-cı ildən, “Dərinsulu Günəşli”dən 2008-ci ilin aprelindən, “Qərbi Çıraq”dan 29 yanvar 2014-cü ildən həyata keçirilir.—12D-
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz