2012-ci ildə Bakı şəhərində 300 min nəfər fasiləsiz içməli su ilə təmin olunub. 2013-cü ilin əvvəllərində Xətai, Nizami, Sabunçu və Suraxanı rayonlarının 200 mindən çox sakini 24 saat su alacaq, deyə “Azərsu” bildirir.
2013-cü ildə 400 min nəfərin su təchizatını əsaslı şəkildə yaxşılaşdırmaq nəzərdə tutulur. Onların 30 minindən çoxu bölgələrdə yaşayan kənd sakinləridir. Maraqlıdır ki, ölkəni bir çox kəndlərində əhali bulaq suyundan istifadə edir və su pulu ödəmir.
2010-cu ildə Oğuz-Qəbələ-Bakı kəməri çəkiləndən sonra hökumət bəyan etdi ki, Bakı əhalisinin 75%-i fasiləsiz su ilə təmin edilib. Bu gözləntilərin nə qədər doğrulduğunu “Azərsu” bildirmir.
Hazırda hökumət Dünya Bankı, Asiya İnkişaf Bankı və KfW-nin dəstəyi ilə 23 şəhər və rayon mərkəzi, 277 qəsəbə və kənddə su təchizatı və kanalizasiya sisteminin tikinti və yenidənqurmasını aparır.
“Azərsu” ASC-nin 1 115 min abunəçisi var. Hazırda onların yarısı sayğacla təmin edilib. Paralel şəkildə köhnə sayğaclar smart-sayğaclarla əvəz edilir. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz