Bu il "Azərkimya" İB Sumqayıtda gücü 680 min ton olan ammiak və karbamid zavodu tikintisinə başlayacaq, deyə İB-nin rəhbəri Muxtar Babayev Global Business Clubun təşkil etdiyi “Rusiya və MDB-nin neft kimyası 2013” konfransında bildirib.
Onun sözlərinə görə, analoji zavod Gürcüstanda da tikiləcək.
Bundan başqa, 2014-cü ildə ARDNŞ qaz emalı zavodu tikintisinə başlayacaq. Zavod 12 mlrd m3 qaz emal edəcək (6 mlrd m3-lik iki növbə). Zavodun tikintisi 2017-ci ildə başa çatmalıdır. Bu zavodun xammalı "Azərkimya"nın etilen qurğusuna da gedəcək.
Hazırda "Azərkimya" etilen qurğusunu yenidən qurur, onun gücünü 300-dən 450 min tona artırmağı planlaşdırır. Layihəni Tecnip şirkəti hazırlayır.
"Azərkimya" həmçinin aşağı təzyiq polietilen və polipropilen qurğuları tikintisini həyata keçirir. Bu layihələr hələ sovet dövründə kompleksin planına daxil edilmişdi, amma SSRİ dağıldığı üçün maliyyələşmə dayandı, deyə Babayev bildirib.
"Xammal bazası o vaxtdan tam dəyişib, çünki ölkədə benzinə tələbat artıb. Nəticədə neft-kimyada naftın payı 40%-ə düşüb, qalanı qazdır", - deyə o izah edib.
ARDNŞ Qaradağda neft-qaz emalı və neft-kimya kompleksi tikir. Kompleks 2018-2020-ci illərdə istismara verilməlidir. İkinci mərhələdə neft-kimya kompleksi, sonra gücü ildə 10 mln ton olan neft emalı zavodu istismara veriləcək. NEZ-də А-92, А-95, А-98 avtomobil benzini, reaktiv və dizel yanacağı istehsal ediləcək. --12D--
İqtisadiyyat
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
Rəy yaz