İyulun sonuna kimi metanol zavodu ilk məhsulunu buraxacaq
"Azərbaycan Metanol Şirkəti" (AzMeCo) yayda gücü ildə 730 min ton olan zavodu istismara verəcək, deyə "Azərkimya" İB rəhbəri Muxtar Babayev Global Business Clubun təşkil etdiyi “Rusiya və MDB-nin neft kimyası 2013” konfransında bildirib.
"Zavodun tikintisi başa çatıb, tezliklə işə salınacaq, hazırda sınaq işləri aparılır. Bir ay ərzində zavod artıq işə düşə bilər", - deyə o bildirib.
Qeyd edək ki, AzMeCo zavodunun əsası 2007-ci ildə Bakıda qoyulub. AzMeCo İH sədri Nizami Piriyev əvvəllər bildirib ki, layihənin qiyməti $360 mln-dur. Onun sözlərinə görə, ölkədə metanola ehtiyac azdır. Ona görə məhsulun 90%-i ixrac ediləcək. Ölkədə neft-kimya inkişaf edəndə metanola ehtiyac artacaq.
26 noyabr 2012-ci ildə Londonda Azərbaycan metanolunun satışı üzrə off take agreement sazişi imzalanıb. BP bütün məhsul üçün off taker statusu alıb.
Zavod ingilis ICI texnologiyası ilə tikilib. Mülkiyyətçisi Johnson Matthey şirkətidir. Zavod tam avtomatlaşdırılacaq və Amerikanın Honeywell şirkətinin IT-texnologiyası ilə avtopilot rejimdə işləyəcək. Zavodu 24 operator üç növbədə işlədəcək. Zavodda 80–100 nəfər çalışacaq.
AzMeCo hazırda Sumqayıt texnoparkı ilə onun ərazisində metanoldan məhsul istehsalı üzrə danışıqlar aparır.
Metanol texniki spirtdir, ondan kimya məhsulları hazırlanır, akkumulyator istehsalında aktiv istifadə edilir. NEZ-lər ondan xüsusi efir istehsalında istifadə də edir. O, oktan ədədinin artırılması üçün aşqardır. Metanoldan dimetilefir də alınır. Ekologiyanı qorumaq üçün şəhər nəqliyyatında dimetilefirdən istifadə çox faydalıdır. --12D--
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz