• contact.az Contact
  • Bakı
  • Partly cloudy11.30 C
  • Bazar ertəsi, 25 Noyabr 2024
    • flag_EN
    • flag_RU

Son yenilənmə

(14 d. əvvəl)
  • Ana səhifə
  • Siyasət
  • HRW Avropa Komissiyasının rəhbərindən İlham Əliyevi insan hüquqlarına əməl etməyə çağırmağı xahiş edir
HRW Avropa Komissiyasının rəhbərindən İlham Əliyevi insan hüquqlarına əməl etməyə çağırmağı xahiş edir
A- A A+
EN RU
Turan İnformasiya Agentliyi
Turan İnformasiya Agentliyi

HRW Avropa Komissiyasının rəhbərindən İlham Əliyevi insan hüquqlarına əməl etməyə çağırmağı xahiş edir

 Human Rights Watch beynəlxalq hüquq-müdafiə təşkilatı Avropa Komissiyasının rəhbəri Joze Maneul Barrozoya müraciət edərək iyunun 21-də Brüsseldə prezident İlham Əliyevlə qarşıdakı görüşündə Azərbaycanda insan hüquqlarının pozulması məsələsini qaldırmağa çağırıb.

 
  Müraciətdə Barrozodan Azərbaycanda  insan hüquqlarının pozulması ilə bağlı Aİ-nin narahatlığını ifadə etmək və ötən həftə Avropa Parlamentinin qəbul etdiyi qətnaməyə uyğun olaraq Bakını vəziyyətin yaxşılaşdırılması üzrə konkret tədbirlər qəbul etməyə çağırmaq xahiş edilir.  
 
  Human Rights Watch-un müraciətində siyasi məhbusların azadlığa buraxılmasının, son vaxtlar qəbul edilmiş və Azərbaycanın beynəlxalq  öhdəlikləri ilə ziddiyyət təşkil edən qanunverici məhdudiyyətlərin ləğvinin vacibliyi qeyd olunur.  
 
  Azərbaycanda ifadə, birləşmə və toplaşma azadlığı ilə bağlı narahatlıq xüsusilə qeyd olunub. Son 15 ayda   sui-istifadələrin, əsas hüquq və azadlıqların məhdudlaşdırılması hallarının artması müşahidə olunur.
 
  Bundan əlavə, oktyabrda keçiriləcək prezident seçkiləri ərəfəsində yeni qanunlar qəbul edilir ki, bu da vətəndaş cəmiyyətinin fəaliyyət sahəsini məhdudlaşdırır. 
 
 Jurnalistlər, fəallar, blogerlər daxil olmaqla, hökuməti tənqid edən 22 nəfər ya mühakimə olunub, ya da siyasi motivli ittihamlarla istintaq altındadır.
 
  Hakimiyyətin QHT haqqında qanuna qəbul etdiyi düzəlişlər  200 avrodan çox məbləğdə qrant sazişinin qeydə alınmasını nəzərdə tutur.  Bu, faktiki olaraq dövlətin qeydiyyata almadığı QHT-ləri fəaliyyət imkanlarından məhrum edir.
 
  Bundan əlavə, icazəsiz mitinqlərdə iştiraka görə inzibati cəza müddəti 15 sutkadan 2 ayadək artırılıb. Bundan əvvəl isə həmin qanun pozuntusuna görə pul sanksiyası 70 dəfə artırılıb.
 
  Sonda Barrozodan xahiş edilir ki, İ.Əliyevi tərəfdaş ölkələrlə əməkdaşlıq üçün Aİ kriteriyalarına əməl etməyə, AŞPA-nın 23 yanvar 2013-cü il tarixli qətnaməsini və insan hüquqları sahəsində digər öhdəlikləri yerinə yetirməyə çağırsın. 
 
  Müraciəti Avropa və Mərkəzi Asiya üzrə direktoru Hyu Uilyamson və Aİ üzrə direktor Lot Leyç tərəfindən imzalanıb.—06D--

Rəy yaz

Siyasət

Minimum əməkhaqqı, pensiya, ehtiyac meyarı. Rəqəmlər real bazar qiymətinə uyğundur? – Zöhrab İsmayıl Çətin sualda


Bizi sosial şəbəkələrdə izləyin

Xəbər lenti