2014-cü ildə AÇG-də hasilat proqnoz göstəricilərindən çox olacaq - BP
“Azəri”, “Çıraq” və dərinsulu “Günəşli” yataqlarından (AÇG) cari ilin 9 ayında 24,2 mln ton neft hasil edilib. Bunu jurnalistlərə açıqlamasında “BP-Azerbaijan” şirkətinin prezidenti Qordon Birrel bildirib.
Onun sözlərinə görə, cari ildə aparılan qazma tədbirləri nəticəsində hasilat gözlənilən nəticələrdən daha yaxşıdır. 9 ayın nəticələrinə görə orta gündəlik neft hasilatı 655,7 min barel təşkil edib. “Biz profilaktiki məqsədlərlə, eyni zamanda platformanın bundan sonra daha təhlükəsiz istifadə imkanlarını artırmaq üçün AÇG-dəki ən iri platformanı – “Mərkəzi Azəri”ni oktyabrın 31-dən istismarını dayandırmağa başlayacağıq. Noyabrın 27-də, plana müvafiq olaraq, modernizasiya işləri tam yekunlaşmalı və artıq dekabrın 2-də platforma əvvəlki gücü ilə (gündəlik 160 min barel) hasilatı bərpa etməlidir”, - deyə BP təmsilçisi bildirib.
Birrelin sözlərinə görə, baxmayaraq ki, “Mərkəzi Azəri”də hasilat bir aya qədər dayanacaq, ancaq konsorsiumun illik hasilat göstəriciləri proqnozlaşdırıladan daha yüksək olacaq. Belə ki, təsdiq edilmiş proqnozlara görə, orta günlük hasilat ilin sonunda 620 min barel təşkil etməliydi. “Ancaq bu günə olan hasilat göstəricimiz (gündəlik 650 min barel ətrafında) ona dəlalət edir ki, ilin sonunda AÇG-dəki orta hasilat daha çox olacaq”, - deyə “BP-Azerbaijan” şirkətinin prezidenti bildirib.
* BP şirkəti AÇG yataqlarının işlənməsi üzrə layhənin operatorudur.
** 2013-cü ilin yanvar-sentyabr aylarında AÇG-də orta günlük hasilat 663,2 min barel təşkil etmişdi və 9 ayda 24,5 mln ton neft hasil edilmişdi.
*** “Mərkəzi Azəri” platforması 2005-ci ildən istismardadır və hazırda Xəzərdə ondan böyük platforma yoxdur.—12B--
-
- Siyasət
- 30 Oktyabr 2014 13:13
-
- İqtisadiyyat
- 30 Oktyabr 2014 13:19
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz