2014-cü ildə Azərbaycana 2,3 milyon xarici turist gəlib
2014-cü ildə Azərbaycana 2,3 mln. xarici turist gəlib. Bu barədə Turan-a Mədəniyyət və Turizm Nazirliyinin turizm şöbəsinin rəisi Aydın İsmiyev bildirib.
İki aydan sonra Bakıda birinci Avropa Oyunları keçiriləcək. Nazirliyin nümayəndəsinin sözlərinə görə, Bakıda yerləşmə yerləri (12 min nömrə) yarışları izləməkdən ötrü xaricdən gələcək qonaqlar üçün yetərlidir. Lakin həmin günlərdə (12-28 iyun) Bakıya gələcək xarici turistlərin dəqiq sayı hələlik məlum deyil.
Azərbaycanda turizm xidmətlərinin qiymətinə toxunan A.İsmiyev deyib ki, onlar münasibdir, turistlərə göstərilən xidmətlərin keyfiyyəti isə hər il artır.
Onun sözlərinə görə, Mədəniyyət və Turim Nazirliyi “Turizm haqqında” yeni qanun layihəsini hazırlayıb. Bu, xidmətlərin keyfiyyətinin artırılmasına yönəlib.
Dövlət Statistika Komitəsinin məlumatına görə, 2013-cü ildə Azərbaycana 2,5 mln. əcnəbi gəlib ki, bunun da 85% (2 mln. 129,5 min) turizm məqsədilə gəlib.
Azərbaycan Mərkəzi Bankının 2014-cü il üçün açıqlanmış ödəmə balansına görə, ötən il Azərbaycanda xarici turistlər $2,4 mlrd. xərcləyiblər. Bizim vətəndaşlar xaricdə istirahət və əyləncəyə $3 mlrd. sərf ediblər. Bir turist Azərbaycanda orta hesabla $700 xərcləyir.08B
-
- İqtisadiyyat
- 1 Aprel 2015 15:14
-
- Cəmiyyət
- 1 Aprel 2015 15:34
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz