2014-cü ildə Azərbaycanın neft ixracatının 23%-i İtaliyanın payına düşüb

Ötən il Azərbaycanın neft ixracatı 35,2 milyon ton təşkil edib. Bunu Azərbaycan Dövlət Neft Şirkətinin (ARDNŞ - SOCAR) Marketinq və İqtisadi Əməliyyatlar İdarəsinin meneceri Adil Abışov Bakıda keçirilən 8-ci Xəzər Neft-Qaz, Ticarət-Nəqliyyat Konfransında bildirib.

«Bu həcmin 24,5 mln tonu SOCAR-ın payına düşüb. Azərbaycan neftinin ixracatında şirkətin payı 70%-dir», — deyə o bildirib.

Bu neftin satışından əldə edilən vəsaitin az hissəsi SOCAR-a çatır. Böyük hissə məhsulun bölgüsü sazişi ilə hökumətin payıdır. Hazırda neftin 82%-i BTC, 12%-i Bakı-Supsa, 3%-i Bakı-Novorossiysk kəməri, 3%-i dəmir yolu ilə nəql edilir.

«Azərbaycan Avropanın, Asiyanın və Amerikanın 30 ölkəsinə neft ixrac edir. Hələ 10 il əvvəl Aralıq dənizi hüdudlarından kənara Azərbaycan neftinin cəmi 10-15 faizi çıxırdı, indi isə bu göstərici 45 faizə yüksəlib. 2014-cü ildə Azərbaycanın neft ixracatı 35,2 milyon ton təşkil edib", - deyə SOCAR təmsilçisi vurğulayıb.

İtaliyadan sonra Azərbaycan neftinin idxalçıları arasında Almaniya (11 faiz) və Fransa (9 faiz) qabaqcıl yerləri tutur.

2014-cü ildə Azərbaycanın neft ixracatının 23 faizi İtaliyaya gerçəkləşib.

Asiya ölkələrinə ixracatda da artım olub. Azərbaycanın neft məhsulları ixracatının 20 faizini Asiya ölkələrinin payına düşüb. Əfqanıstan və Orta Asiyaya ixracatda artım qeydə alınıb. Bundan başqa Gürcüstana da neft məhsullarının ixracatı artıb. Bu kateqoriyada ümumi ixracatın 12 faizi Gürcüstanın payına düşür", deyə Abışov bildirib.—12В—