2014-cü ildə Bakı Fond Birjasında dövlət və korporativ qiymətli kağızlarla birja ticarəti 8 mlrd 158,5 mln manat olub. Bu, əvvəlki ildəkindən 3,7% azdır. Mənfi dinamika DQK bazarında repo əməliyyatların iki dəfə azalması ilə bağlıdır, deyə birja bildirir.
Ötən il KQK dövriyyəsi (4 mlrd 1,9 mln manat) ilk dəfə DQK üzrə əməliyyat həcminə (4 mlrd 156,6 mln manat) yaxınlaşıb. Bu, AMB-nin notlar üzrə repo əməliyyatlarının 3 mlrd manat azalması, dövlət şirkətlərinin səhm və istiqraz yerləşdirməsi, İpoteka Fondunun istiqrazlarının təkrar dövriyyəsinin artımı ilə bağlıdır.
2014-cü ildə Maliyyə Nazirliyi 31 əqdlə 80,3 mln manat (-18,1%) məbləğində istiqrazlar yerləşdirib. AMB 58 əqdlə 158 mln manat məbləğində notlar yerləşdirib. Bu, 2013-cü ildəkindən 47,3% azdır.
Korporativ istiqrazların yerləşdirilməsi həcmi (2 mlrd 165 mln manat) 14 dəfə artıb. Bu, əsasən «Cənub Qaz Dəhlizi» QSC, eləcə də maliyyə şirkətləridir.
Təkrar səhm bazarının dövriyyəsi 19,6 mln manat olub. Bu, əvvəlki ildəkindən 8,6% azdır.
2014-cü ildə birjada 6277 əqd qeydiyyata alınıb. Bu, bir il əvvəlkindən 27% çoxdur. Əqdlərin 93,2%-i təkrar səhm bazarında bağlanılıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz