Ötən il Azərbaycanın gömrük orqanları sərhəddi keçən şəxslərdən 514 min 500 ABŞ dolları və 72 mindən çox avro müsadirə ediblər.
Dövlət Gömrük Komitəsinin məlumatında deyilir ki, valyutalar mövcud qaydaların pozulması ilə əlaqədar götürülüb.
Eyni zamanda 127 ədəd bədii, tarixi, arxeoloji əhəmiyyət kəsb edən əşya, 38 ədəd elektroşoker, 12 ədəd odlu silah patronu, 2 ədəd ov silahı, 8 ədəd qaz silahı, 27 ədəd pnevmatik silah və 772 ədəd soyuq silah tutulub.
Gömrükçülər 979 ədəd televizor, 1643 ədəd məişət texnikası, 1054 ədəd mobil telefon, 4 kiloqramdan çox qara kürü, 9470 ədəd parfümeriya və kosmetika ləvazimatını müsadirə ediblər.
Qeyd edək ki, sərhəddi keçən vətəndaşlar ölkədən nəyi və hansı həcmdə çıxarmağın və ölkəyə gətirməyin lazım olduğunu indiyədək dəqiq bilmirlər. Gömrük məntəqələrində müvafiq informasiya yoxdur, qanunvericiliyin müddəaları isə gömrükçülər tərəfindən özlərinin istədikləri kimi izah edilir.-02D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz