Əhali itirir, büdcə qazanır

 2015-ci ildə fiziki şəxslərin və kiçik və orta bizneslə məşğul olanların gəlirləri xeyli azalacaq, - deyə iqtisadçı alim Qubad İbadoğlu Turan-a bildirib.

Ekspertin fikrincə, Vergilər Məcəlləsinə dəyişiklikdən və 6 il moratoriumdan sonra bank dividendlərindən (10%) vergi tutulacaq. 500 manata qədər əmanətlər istisna təşkil edir. Əmanətçilərin çoxu (5,3 mln əmanət) daha çox vəsaitə malikdir və bu, büdcəyə 70 mln manat təmin edəcək.
 «Bundan sonra vergi əmlakın inventar qiymətindən yox, mənzilin ərazisinə görə vergi tutulacaq. Yəni bazar qiymətindən asılı olmayaraq, eyni vergi tutulacaq. Əmlak vergisi 30 kv m-dən artıq mənzil sahəsindən tutulacaq və regionlar üzrə təsnif ediləcək», - deyə o qeyd edib.. 

Dövlət avtomobillərin hesabına büdcəni doldurmaq istəyir. Nəticədə istehlakçıların xərcləri mühərrikin gücündən asılı olaraq 100 manatdan  ($127,5)  13 300 manatadək artacaq.

Aksiz vergisi artırılan mallar sırasına spirtli içkilər, siqaret və s daxildir.

Həmçinin qiymətli metalların və daşların da qiyməti artacaq. Bunun ardınca isə digər istehlak malları da bahalanır, deyə İbadoğlu qeyd edib..«Bu vergilərin artırılması ailə büdcələrində xərcləri artıracaq, gəlirlər azalacaq və rifah səviyyəsi düşəcək. Nəticədə AMB 2-3% inflyasiyanı qorumaqda çətinlik çəkəcək», - deyə İbadoğlu qeyd edib.

AMB manatın məzənnəsini qoruyacağını desə də, manatın taleyi neftin ucuzlaşmasının müddəti və səviyyəsindən asılı olacaq. Qiymət düşməsi və dolların bahalanması uzun müddət davam etsə, manatın məzənnəsini qorumaq mümkün olmayacaq. «Rublun qiymətdən düşməsi və neftin ucuzlaşması əhalinin alıcılıq qabiliyyətinə pis təsir edəcək», - deyə İbadoğlu düşünür.

Ekspertin fikrincə, Rusiyadakı böhran Azərbaycan ixracatçıları üçün RF bazarını cəlbediciliyini azaldır. Digər tərəfdən, RF-də yaşayan azərbaycanlıların gəlirləri, vətənlərinə göndərdikləri pul da azalır. --17D—