2014-cü ildə Azərbaycan Dövlət Neft Fondunun (ARDNF) gəlirləri 12 mlrd. 731 mln. manat, xərcləri 10 mlrd. 117,2 mln. manat təşkil edib. Bu barədə Neft Fondunun məlumatında deyilir.
2013-cü illə müqayisədə Neft Fondunun gəlirləri 869,5 mln. manat (1,1 mlrd. manat), xərcləri isə 2 mlrd. 185.5 mln. manat (2,79 mlrd. dollar) azalıb.
Hesabat dövründə neft-qaz müqavilələrinin satışından gəlir 12 343,8 milyon manat (2013-cü ildə 13 119,9 mln. manat), o cümlədən gəlirli neft və qaz satışından gəlir 12 319,8 milyon manat (13 108 mln. manat) səviyyəsində olub. Fondun tranzit əməliyyatlarından gəliri 8,9 mln. manat təşkil edib. Ötən il Neft Fonduna 13,3 mln. manat məbləğində bonus ödənişləri həyata keçirilib. Hər akra ödənişlərdən daxilolmalar 1,7 mln. manat təşkil edib, xarici investorların verdiyi aktivlərin satışından daxilolmalar 0,1 mln. manat səviyyəsində olub.
Hesabat dövründə Fondun öz vəsaitlərinin idarə olunmasından gəlirləri 387,2 mln. manat (480,6 mln. manat) təşkil edib. 2014-cü ildə Neft Fondunun kurs fərqindən büdcədənkənar gəlirləri 1 611,9 milyon manat (43 mln. manat) təşkil edib.
ARDNF-nin xərclər strukturunda qaçqın və məcburi köçkünlərin sosial-məişət vəziyyətinin yaxşılaşdırılması tədbirlərinə xərclər 300 mln. manat, Samur-Abşeron suvarma sisteminin yenidənqurması layihəsinin maliyyələşdirilməsinə xərclər 80,2 mln. manat təşkil edib.
Dövlət büdcəsinə transfertlər 9 337 mln. manat (11 350 mln. manat) təşkil edib. 2007-2015-ci illər üçün dövlət proqramı çərçivəsində azərbaycanlı tələbələrin xaricdə təhsilinə 33,5 mln. manat (33 mln. manat) xərclənib. Həmçinin, Bakı-Tbilisi-Qars yeni dəmir yolunun tikintisi layihəsinin maliyyələşdirilməsinə 57,1 mln. manat xərclənib (25,7 mln. manat). Fondun TANAP və TAP layihələri çərçivəsində Azərbaycan qazının Avropaya nəqlinin təyin edilməsi məqsədilə "Cənub qaz dəhlizi" SC-də dövlətin iştirak payının maliyyələşdirilməsinə xərcləri ötən il 40 mln. manat, "STAR" neft emalı kompleksinin tikintisinə xərcləri 223,5 milyon manat təşkil edib. Ötən ilin yekunlarına görə Fondun idarəetməsi üzrə xərclər 45,9 mln. manat (47,5 mln. manat) təşkil edib.
2015-ci il yanvarın 1-nə olan məlumata görə, ARDNF-nin aktivləri 2014-cü ilin başlanğıcı ilə müqayisədə 3,42% artaraq (35 877,5 mln.) 37 104,1 mln. dollar təşkil edib. –12В-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz