2015-ci ildə Azərbaycan Neft Fondunun “Azəri-Çıraq-Günəşli” layihəsi çərçivəsində mənfəəti $6,9 mlrd olub.
Turan agentliyi bildirir ki, 2014-cü ildə Neft Fondu AÇG-də dövlətin mənfəət neftinin satışından $15 mlrd 118 mln vəsait əldə edib. Beləliklə, ötən il Fondun AÇG-dən gəlirləri 54,4% azalıb.
Neft Fondunun portfelində AÇG-dən mədaxil 93%-dir. Neft Fondunun gəlirlərinin kəskin azalması neftin 47,5% ucuzlaşması ilə bağlıdır. 2014-cü ildə Azərbaycan neftinin orta qiyməti $100,9, 2015-ci ildə $53 olub.
2001-2015-ci illərdə Neft Fondu “Azəri-Çıraq-Günəşli” layihəsi çərçivəsində $117 mlrd əldə edib.
Qeyd edək ki, Azərbaycan AÇG layihəsi çərçivəsində ilk gəliri 1999-cu ildə əldə edib. O vaxt Neft Fondu yaradılıb. Fond praktik fəaliyyətə 2001-ci ildə başlayıb və həmin vaxt aktivləri $271 mln təşkil edib.—12B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz