9 ay ərzində Azərbaycanda ÜDM artışı 2,5% təşkil edib (YENİLƏNİB)

Bu ilin 9 ayı ərzində Azərbaycanda 2,5% ÜDM artışı qeydə alınıb, bu zaman qeyri-neft sektorunda bu göstərici 6% təşkil edib.

Sözügedən dövrdə inflyasiya 1,5% təşkil edib, əhalinin gəliri isə 5,4% artıb.

Bu rəqəmləri bu gün prezident İlham Əliyev Nazirlər Kabinetinin 2014-cü ilin 9 ayı ərzində ölkənin sosial-iqtisadi inkişafının yekunlarına həsr olunmuş iclasında açıqlayıb.

İlin əvvəlindən ölkəyə 19 mlrd. dollar investisiya edilib, bunun 11 mlrd. dolları daxili investisiyalardır.

Hesabat dövründə ölkənin maliyyə resursları 3,6 mlrd. dollar artaraq, 53 mlrd. dollara çatıb.

Əliyev qeyd edib ki, rəqabətədavamlılıq üzrə Dünya İqtisadiyyat Forumunun reytinqinə əsasən, Azərbaycan 38-ci yeri tutub.

Əliyevin sözlərinə görə, 9 ayda ölkədə 100 min iş yeri açılıb. Son 10 ildə ümumilikdə 1 mln. 300 min iş yeri açılıb.

Yekun nitqində Əliyev qeyd edib ki, ilin sonuna qədər investisiya proqramı tamamilə yerinə yetiriləcəl, məktəb, uşaq bağçası və müasir səhiyyə obyektlərinin tikintisi davam etdiriləcək.

Yaxın iki ildə Bakı Beynəlxalq Dəniz Limanı tamamilə istismara veriləcək. -06D-

2014 Oktyab 08 (Çərşənbə) 15:12:06

 Azərbaycan prezidenti İlham Əliyev hökumıətin 2014-cü ilin 9 ayının sosial-iqtisadi inkişafının yekunlarına həsr edilmiş iclasını keçirib

Bu barədə dövlət televiziyası qısa məlumat verib.

Dövlətstatkoma görə, 8 ayda iqtisadi artım tempi 2,4% olub. Qeyri-neft sektoru 6,3% artaraq ÜDM-in 57,3%-ə çatıb.

2014-cü ildə ÜDM artımı 5,2% planlaşdırılıb. Bu, ötən ildəkindən 6 bənd azdır.—0--