İREX (Beynəlxalq Tədqiqatlar və Mübadilələr Şurası) 1998-ci ildən fəaliyyət göstərdiyi Azərbaycanda fəaliyyətini dayandırıb və Nümayəndəliyini bağlayıb.
İREX–in Vaşinqton ofisindən daxil olan məlumata əsasən, 30 sentyabr 2014-cü ildə İREX Azərbaycandakı Nümayəndəliyini ləğv etmək qərarı verib və bununla bağlı Azərbaycanın rəsmi qurumlarına yerli qanunvericiliyin tələbinə uyğun olaraq Nümayəndəliyin qeydiyyatının ləğv olunması prosesini başlatmaq məqsədi ilə İREX Azərbaycandakı Nümayəndəliyində fəaliyyət göstərən əməkdaşlarının əmək müqavilələri başa çatdığından onlarla da yeni müqavilə imzalanmayıb və onlara rəsmi formada təşəkkür edilərək yeni iş həyatlarında uğurlar arzulanıb.
30 sentyabr 2014-cü ildən etibarən İREX Kaspian Biznes Mərkəzində yerləşən Nümayəndəliyə aid ofisini də boşaldıb və bundan belə Azərbaycanda rəsmi ofisi olmayacaq.
İREX bəyan edir ki, 1998-ci ildən bəri fəaliyyət göstərdiyi Azərbaycanda təhsilə, medinın inkişafına, internet infrastrukturunun genişləməsinə dəstək vermək üçün əlindən gələn yardımı göstərməyə çalışıb və bu çərçivədə müxtəlif dövlət və hökumət qurumları ilə habelə kommersiya və qeyri-kommersiya qurumları ilə sıx əməkdaşlıq edib. Odur ki, Fəaliyyəti dövründə sıx əməkdaşlıq etdiyi Humanitar Yardım üzrə Respublika Komissiyasına, Rabitə və Yüksək Texnologiyalar Nazirliynə, Təhsil Nazirliyinə, Dövlət Gömrük Komitəsinə, Milli Televiziya və Radio Şurasına, Azərpoçt MMC-yə, Bakıda və Sumqayıtda fəaliyyət göstərən Dövlət Universitetlərinə, özəl Universitetlərə, İctimai və regional Televiziyalara, medianın inkişafına çalışan yerli kommersiya və qeyri kommersiya qurumlarına və onların rəsmi şəxslərinə, əməkdaşlarına öz dərin təşəkkürünü bildirir.
İREX ümid edir ki, Azərbaycandakı fəaliyyəti Azərbaycan xalqı və hökuməti nəzdində obyektiv qiymətləndiriləcək. Son vaxtlar müxtəlif səpkidə mediaya ötürülən əsassız və böhtan dolu iftiralar ciddi qəbul edilməyəcək və başladılan proseslər hüququn üstünlüyü çərçivəsində İREX-in məqsədi Azərbaycan dövlətinin və cəmiyyətinin daha da inkişafına kömək göstərmək olub və hər zaman Azərbaycanı özünə dost ölkə hesab edib. -0-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz