A-GROUP sığorta şirkəti oktyabra kimi 600 min manat ziyana düşüb

A-GROUP sığorta şirkəti bu ilin 9 ayında könüllü sığorta növləri üzrə 4 mln 829,43 min manat ödəniş edib. Bu, ötən ilkindən 780 min manat çoxdur. 2011-ci ildə bu göstərici 3 mln 740,65 min manat idi. 

Bu, yeganə ziyanla işləyən strukturdur və ödənişləri mükafatlarından 600 min manat çoxdur. Ziyana səbəb odur ki, könüllü tibbi sığorta mükafatları məmur strukturları arasında bölünüb. Şirkət rəhbərliyi bu vəziyyəti şərh etmir və hesab edir ki, hər şey yoluna düşəcək. 

Əmlakın yanğından və başqa risklərdən sığortası üzrə 5,45 min manat, avtomobil sahiblərinə 528,36 min manat ödənilib. 

KTS üzrə bütün ödənişlərin 88,3%-i və ya 4 mln 262,15 min manat kompensasiya edilib. Şirkətin mükafatları 4 mln 231,18 min manat olub. Bu, ötən ilin eyni dövründəkindən 2,9 mln manat çoxdur. Bunun 352 manat istisna hamısı könüllü növlər üzrədir. Əvvəl nisbət balanslı idi, indi paritet üçün İcbari Sığorta Bürosunun üzvü olmaq lazımdır. 

KTS üzrə 3 mln 076,41 min manat, bədbəxt hadisə və xəstəliklərdən sığorta üzrə 9,46 min manat, səyahət sığortası üzrə 36,56 min manat mükafat olub. Avtomobillərin КАСКО sığortası üzrə 863,01 min manat (əvvəlki ildən 2 dəfə az), əmlakın yanğından və başqa risklərdən sığortası üzrə 211,3 min manat, yük sığortası üzrə 14,23 min manat toplanıb. Xaricə səyahət sığortası şirkətə 36,56 min manat, mülki məsuliyyətin sığortası 51,3 min manat gətirib. 

İcbari növlər üzrə cəmi 352 manat yığılıb. 

“A-Qroup” şirkəti sığorta bazarında 1995-ci ildən fəaliyyət göstərir. Şirkət tibbi sığorta üzrə ixtisaslaşıb. Ödənilmiş nizamnamə fondu 5 mln 400 min manatdır. --17D—