Аzərbaycan Beynəlxalq Bankının (ABB) Rusiyada törəmə qurumu olan «ABB-Moskva» bankının 2014-cü il iyulun 1-ə aktivlərinin həcmi 34 734 mln rubl təşkil edib ki, bu da ötən ilin müvafiq dövrünə nisbətən 13,6% çoxdur, deyə bankdan bildirilir.
Bankın məcmu kapitalı 21,3% artaraq 3 180 mln rubl, ümumi gəlirləri 652,32 mln rubl, faiz gəlirləri 486,7 mln. rubl, qeyri-faiz gəlirləri 154,9 mln. rubl təşkil edib.
Bankın kredit portfeli illik müqayisədə 9% artaraq 2014-ci il iyulun 1-nə 25 340 mln. rubla çatıb. Bunlardan, fiziki şəxslərə verilmiş kreditlər 3 598 mln. rubl (7% artım), hüquqi şəxslərə verilən kreditlər 21 742 mln. rubl (8% artım) təşkil edib.
"ABB-Moskva" MMC 2002-ci ildə yaradılıb, ən böyük Rusiya maliyyə-kredit müəssisələrinin TOP-150-nə əminliklə daxil olan universal bankdır. Hazırda bank şəbəkəsi Moskva, Sankt-Peterburq və Yekaterinburqda ofislərdən ibarətdir. --17D—
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz