Azərbaycan Beynəlxalq Bankı 2013-cü ilin I yarısı və bütöv ilin auditini «Deloitte & Touche» şirkətinə həvalə edib.
354 min manatlıq müqavilə Dövlət Satınalmaları Agentliyində qeydiyyata alınıb. Demək, bankın və onun törəmə strukturları olan ABB-Moskva, ABB-Gürcüstan, Beynəlxalq Sığorta Şirkəti və "Azərikard" MMC-nin auditi beynəlxalq standartlara uyğun keçiriləcək.
I yarımilin yekunu 15 sentyabrdan, 2013-cü ilin yekunu 1 aprel 2014-cü ildən gec olmayaraq təqdim edilməlidir.
ABB 1992-ci ildə təsis edilib. Nizamnamə kapitalının 50,2%-i dövlətə məxsudur, amma bir hissəsi özəlləşdirilməlidir.
1 iyul üçün məcmu kapitalı 765,56 mln manat olub. Bu, 2012-ci ildəkindən 61,4% çoxdur. Nizamnamə kapitalı 340 mln manata çatıb.
I yarımildə bankın xalis mənfəəti 24,3 mln manat olub. Bu, ötən ilin I yarısındakından 44,6% çoxdur. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz