ABB-nin nizamnamə kapitalının Maliyyə Nazirliyinə bağlanması onun uzunmüddətli defolt reytinqini dövlətin suveren reytinqindən asılı edir

Beynəlxalq Bankın nizamnamə kapitalında Maliyyə Nazirliyinin xüsusi çəkisi 51,1-dən 80%-ə artacaq. Bu isə onun uzunmüddətli defolt reytinqini dövlətin suveren reytinqindən asılı edir.  

Fitch Ratings agentliyi analitiklərinin fikrincə, fərq ondadır ki, dövlətin suveren reytinqi «ВВ+», ABB-ninki «BB»dir (hər ikisi mənfi proqnozla).

ABB-nin reytinqinin azaldılmasını ekspertlər 3 mlrd manat riskli aktivlərinin məcburi satışı ilə bağlayırlar. Amma nizamnamə kapitalının 500 mln manat artırılması ödəniş qabiliyyətinə dəstək verəcək.

Bankın reputasiyası bu amillərlə təsdiq edilir: 1,5 mlrd manat dövlət strukturları qoyub, QK bazarında üstünlüyü ilə əlaqədar sistem əhəmiyyəti yüksəkdir, dövlət sağlamlaşdırmadan sonra onun özəlləşəcəyini bildirib. 2015-ci ildə ABB-nin aktivləri ÜDM-in dörddə biri qədər olub.

Kreditlərin dollarlaşması (60%), zəif rentabellilik, yüksək təkrar maliyyələşmə riski ilə bağlı aktivlərin keyfiyyəti pisdir. Riskli kreditlər (90 və daha çox gün vaxtı keçmiş) ötən il 7% təşkil edib. Agentliyə görə, vaxtı keçmiş kreditlərin hamısı 20 iri tranş və 3 mlrd manat Rusiyada daşınmaz əmlak üzrə başa çatmamış layihələrin payına düşür.

Bundan başqa, öhdəliklərin üçdə biri korporativ müştərilərin maliyyələşməsi ilə əlaqədardır. --17D—