Azərbaycan Beynəlxalq Bankı 200 mln 1,5 manat məbləğində dekabr səhm emissiyasını tam ödəyə bilməyib və müddət 25 iyula keçirilib.
Bakı Fond Birjasının məlumatına görə, yerləşdirmə ötən il 12 dekabrda başlayıb. 14 aprelə kimi 194 mln 661 min 340,38 manatlıq səhm alınıb. 5 mln 338 min 661,12 manat məbləğində səhm hələ qalır.
Emissiya tam ödəniləndə ABB-nin nizamnamə kapitalı 568 mln 333 min 337 manata (+ 54,3%) çatacaq.
Nizamnamə kapitalının 500 mln manat artırılması barədə qərar ötən ilin oktyabrında qəbul edilib. 25 iyul üçün 200 mln manat emissiyanın tam ödənilməsi gözlənilir. Növbəti hər 3 ildə 100 mln manat yerləşdiriləcək.
ABB 1992-ci ildə yaradılıb. Səhm nəzarət paketi (50,2%) dövlətə, 49,8% digər səhmdarlara məxsusdur. ABB-nin səhmdarları 14 hüquqi və 1556 fiziki şəxsdir. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz