Bu ilin beş ayı ərzində Azərbaycanda 1,1 mln ton sement istehsal olunub, bu da 2013-cü ilin müvafiq dövründən 40% çoxdur. Bazarın yeni iştirakçılarının fəallaşması hesabına yerli istehsalın artımı idxalın dinamikasına da təsir edib.
Bəzi sement istehsalçılarının öz beton zavodları var və onların istehsal həcmi tikinti üçün beton qatqısının strukturunda da əksini tapır. Dövlət Statistika Komitəsinin məlumatına görə, bu ilin əvvəlindən təxminən 600 min ton beton istehsal edilib, bu da 2013-cü ilin müqayisə edilən dövründən 46% çoxdur.
Bu ilin beş ayı ərzində sement idxalı həcmləri 19% azalıb və təxminən 50 mln dollar təşkil edib. Ötən il eyni dövrü ərzində 61,5 mln-luq klinker və sement idxal edilib. Ötən il idxalçılar sement tədarükünü 46% artırıb.
Gözlənilir ki, 2014-2015-ci illərdə sement idxalından asılılıq 20% azalacaq. 2013-cü ildə istehsal həcmləri 2 mln 40 min ton olduğu halda klinker və portlandsement idxalı təxminən 2,6 mln ton təşkil edib.
Üç yerli istehsalçının illik istehsal həcmi 2015-ci ildə 4,5 mln tondan az olmayacaq. Bundan əlavə, təxminən 10 kiçik istehsal müəssisəsi var.
Vergilər Nazirliyinin məlumatına görə, işçi sayına görə Azərbaycanda ən böyük sement zavodu “Qazax Sement Zavodu” MMC-dir - 550 nəfərdən çox. “Holcim (Azerbaycan)” ASC-də 422, «Norm» MMC-də - 300-dən artıq adam işləyir. Naxçıvanda sementə olan tələbat 252 nəfərin işə təmin olunduğu “Gemiqaya Holdinq” şirkətlər birliyinin sement zavodu hesabına ödənilir. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz