ABB-nin son emissiyasından səhmlərin 86,6%-i yerləşdirilib

Bakı Fond Birjasında aprelin 11-də Azərbaycan Beynəlxalq Bankının 7 792 854 manat məbləğində səhmlərinin yerləşdirilməsi üzrə 4 əqd qeydiyyata alınıb. İnvestorlar səhmləri nominal qiymətə – 24 qəpiyə alıb. 

Səhmlər 4 iyun 2012-ci ildən yerləşdirilir və bu il həmin tarixdə bitəcək. Aprelin əvvəlində mövcud səhmdarlar arasında səhmlərin yerləşdirilməsi müddəti bitir. Birjanın məlumatına görə, ötən ilin dekabrından aprelin 3-ə kimi 4 sessiyada 78 666,1 min manatlıq 135 tranzaksiya olub. Son emissiyadan 86,6% yerləşdirilib. 

BFB-nin  tranzaksiyalar üzrə məlumatları ABB və Maliyyə Nazirliyinin  vaxtından əvvəl bankda 50,2% payın ödənilməsi barədə bəyanatı ilə üst-üstə düşmür. Onların bəyanatını bankın bu ilin əvvəli üçün balans hesabatı da təsdiq edir. Ona əsasən, nizamnamə kapitalı 303 mln manat olub. Bu vaxt üçün bankın NK-da dövlətin payı 170 mln manat olub. 

BFB İH sədrinin müavini Vüqar Namazov Turan-a bildirib ki, istənilən emitentin səhmlərinin yerləşdirilməsi ödəniş üzrə olur və birja onların hər biri barədə bitəndən bir gün sonra məlumat verir. 

Hazırda ABB-nin səhmlərinin bazar qiyməti 20 qəpikdir. --08B—