Məşhur amerikalı idman jurnalisti Ceyn MakManus aprelin 12-15-də Azərbaycanda səfərdədir.
O, ESPN telekanalının aparıcı idman jurnalisti, Kolumbiya Universitetinin professoru, peşəkar roller derby idmançısıdır, deyə ABŞ səfirliyinin press-relizində bildirilir.
MakManus azərbaycanlı həmkarları ilə görüşlərdə idman jurnalistika sahəsində iş təcrübəsini bölüşəcək, ABŞ-da qadın idmanı haqqında təqdimat keçirəcək.
Səfər iki ölkə arasında mədəni əlaqələrin gücləndirilməsi məqsədini daşıyan və bu səbəbdən görkəmli amerikalıları Azərbaycana dəvət edən “Amerikalı Natiqlər Silsiləsi” proqramı çərçivəsində baş tutur.
Qadın idmanı və qadın idmanı jurnalistikasının təbliğində maraqlı olan bütün azərbaycanlılar aşağıdakı görüşlərə dəvət edilir:
- Aprelin 12-də Gəncədə Kamil Vətəndaşlar Təşkilatının ofisində (M.Qaşqay küçəsi, 10 (mövzu: idman jurnalistikası)),
- Aprelin 14-də Bakıda Bədən Tərbiyəsi Akademiyasında (Ameirkada qadın idman jurnalistikası),
- Aprelin 15-də Bakıda “Caspian” Biznes mərkəzində (Amerikada idman jurnalistikası və film nümayişi). -06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz