Azərbaycan Beynəlxalq Bankı TheCityUK-a qoşularaq, Xəzər regionunda təşkilatın ilk üzvü olub. Bu barədə bazar ertəsi Londonda keçirilən «Xəzər dəhlizi» (Caspian Corridor Conference) konfransında bildirilib. Tədbiri CityUK ABB və Asia House-la birgə hazırlayıb, deyə ABB məlumat verir.
«Azərbaycanla Böyük Britaniya arasında korporativ münasibətlərin genişlənməsi imkanından məmnunuq. TheCityUK komandasının yüksək peşəkarlığı biznes aparılmasında yüksək standartların tətbiqinə töhfəsini verəcək»,- deyə ABB İH sədri cahangir Hacıyev bildirib.
TheCityUK baş direktoru Kris Kamminqs ABB-nin TheCityUK-a qoşulmasından məmnunluq ifadə edib. Onun sözlərinə görə, ABB «Xəzər dəhlizi» regionunda TheCityUK üçün böyük təcrübə gətirəcək.
Kamminqs hesab edir ki, Xəzər regionunu investorlar üçün cəlbedici edən bir sıra səbəblər var. Onların sırasında millətlərin «gəncliyi», ÜDM artımı tempi, iqtisadiyyatın liberallaşması üçün hökumətlərin islahatlar keçirmək cəhdləri var. –15D--
İqtisadiyyat
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
-
Türkiyə 2053-cü ilə qədər karbon neytrallığına nail olmağı və iqtisadiyyatının əsas sahələrini "sıfır tullantılar və yaşıl inkişaf" vizyonu əsasında transformasiya etməyi hədəfləyir, deyə Türkiyə prezidenti Rəcəb Tayyib Ərdoğan Bakıda keçirilən COP29-da bazar ertəsi bildirib.
Rəy yaz