Elektrik enerjisi və qaz təchizatçılarından fərqli olaraq, “Azərsu” 20 il ərzində istehlakçıları su sayğacları ilə təmin edə bilmir. Bu il oktyabrın 1-i üçün “Azərsu” abonentlərin 53,4%-i su sayğacı ilə təchiz edilib.
“Azərsu” ASC-nin məlumatına görə, bu ayın əvvəli üçün 1 181,7 min abunəçinin 631 mini sayğacla təmin olunub. Ölkə üzrə su təchizatı xidməti göstərilən 1141976 əhali qrupu abunəçinin 597104-ü və ya 52,3 faizi sayğacla təmin olunub. Qeyri-əhali qrupuna aid 39779 abunəçinin isə 34024-ü və ya 85,5 faizində sayğaclaşma aparılıb. Bakı şəhərində əhalinin 63,6%-i və digər istehlakçıların 96,3%-i sayğaclaşdırılıb.
“Azərsu” ASC-nin mətbuat xidmətində Turan-a bildiriblər ki, ötən ildən ASC debitor borc probleminin aradan qaldırılması və su itkilərinin qarşısının alınması məqsədilə ön ödənişli (smart-kart tipli) elektron su sayğaclarının quraşdırılmasına başlayıb. Cəmi 160 min, yanvar-sentyabr aylarında 128 min abunəçi smart-kart sayğaclarla təmin ediilib. “Azərsu” ASC-də qeyd edirlər ki, sayğaclaşma işi şəhər və rayonlarda su təchizatı və kanalizasiya sistemlərinin yenidənqurulması gedişindən asılıdır. 08D
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz