Bank VTB (Azərbaycan) ASC-nin Müşahidə Şurasının tərkibinə dəyişikliklər edilib.

Bank VTB (Azərbaycan) ASC-nin Müşahidə Şurasının tərkibi 7 nəfərə çatdırılıb. Bank VTB (Rusiya)-nın prezident-sədrinin birinci müavini Vasiliy Titov Müşahidə Şurasının sədri təyin edilib. Bundan əlavə, Müşahidə Şurasının tərkibinə əlavə olaraq Müseyib Əliyev – Bank VTB (Azərbaycan)-ın ikinci səhmdarı olan “AtaHoldinq” ASC-nin nümayəndəsi də daxil edilib.

Müşahidə Şurasının tərkibinin dəyişdirilməsi haqqında qərar Bank VTB (Azərbaycan)-ın səhmdarlarının yığıncağında qəbul edilmişdir. Bu müvafiq dəyişiklik Azərbaycan Respublikası Mərkəzi Bankı tərəfindən razılaşdırılıb.

“Müşahidə Şurasının gücləndirilməsi Azərbaycan Respublikasının VTB Qrupu üçün əhəmiyyət kəsb etdiyinə dəlalət edir. Biz törəmə bank qarşısında biznesin iri, orta və kiçik müəssisələrlə, həmçinin pərakəndə müştərilərin sayı hesabına fəal surətdə genişləndirilməsi vəzifəsi qoyuruq”. Səhmdarlar tərəfindən Bank VTB (Azərbaycan)-ın kapitalının artırılması da qarşıya qoyulmuş məqsədlərə nail olmağa kömək edəcək”, - deyə Müşahidə Şurasının tərkibində baş verən dəyişikliyə Vasiliy Titov belə şərh verdi.  

Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdar kapitalı Rusiya tərəfi – Bank VTB ASC (51%) və Azərbaycan tərəfi – “AtaHoldinq” ASC (49%) arasında bölüşdürülmüşdür. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün bank 4 filial və 1 şöbə ilə təmsil olunur.

Bank VTB ASC, onun törəmə bankları və maliyyə təşkilatları (VTB Qrupu) Rusiyanın aparıcı maliyyə qrupu olub, Rusiya, MDB, Qərbi Avropa, Şimali Amerika, Asiya və Afrika ölkələrində geniş çeşidli maliyyə-bank xidmətləri təklif edir. Qrup bank xidmətlərini bir ana bank (Bank VTB) və beş törəmə bank vasitəsilə göstərir ki, onlardan da ən iriləri – VTB 24, Moskva Bankı və “TransKreditBank”-dır. Qrupun törəmə maliyyə təşkilatları qiymətli kağızlar bazarında xidmətlər, sığorta xidmətləri, lizinq, faktorinq və digər maliyyə xarakterli xidmətlər göstərir. 

Rusiyanın hüdudlarından kənarda Qrupun bank şəbəkəsi öz fəaliyyətini MDB ölkələri (Ermənistan, Ukrayna (iki bank), Belarus (iki bank), Qazaxıstan və Azərbaycan), Avropa (Avstriya, Kipr, Almaniya, Fransa, Böyük Britaniya və Serbiya), Gürcüstan, Afrikada (Anqola) 15 törəmə kredit təşkilatları, İtaliya və Çində yerləşən iki nümayəndəlik, Çin və Hindistanda yerləşən iki VTB filialı, həmçinin VTB Kapital-in Sinqapur, Dubay, Sofiya, Honkonq və Nyu-Yorkda yerləmiş 5 ofisi vasitəsilə həyata keçirir. 30 iyun 2013-cü il tarixinə VTB Qrupu aktivlər üzrə (8 355,8 mlrd. rubl) və müştərilərin vəsaitləri üzrə (4 312,8 mlrd. rubl) Rusiyanın ikinci ən iri maliyyə qrupudur. VTB-nin əsas səhmdarı Dövlət mülkiyyətinin idarə edilməsi üzrə Federal agentliyin şəxsində 60,9% səhmdar kapitalına sahib olan RF Hökumətidir.—15D--