ABŞ-ın sanksiyaları Bank VTB-yə (Azərbaycan) təsir etməyəcək

Dekabrın 23-də Bank VTB (Azərbaycan) rəhbərliyi bankın ABŞ-ın sektoral sanksiyalar tətbiq etdiyi təşkilatlar  sırasında olması ilə bağlı açıqlama verib.    

Sənəddə qeyd olunur ki, “Bank VTB”nin (Azərbaycan) ABŞ-ın sanksiya tətbiq etdiyi təşkilatların siyahısına daxil edilməsi 2014-cü ilin sentyabrından tətbiq olunan sanksiyaların hüquqi qüvvəsini dəyişmir. Bank VTB (Azərbaycan)  yüksək likvidlik və kapital səviyyəsini qoruyaraq ştat rejimində fəaliyyət göstərməyə davam edir. Sanksiya siyahısında konkret təşkilatların adının açıqlanması Bank VTB-dən (Azərbaycan) hər hansısa alternativ qərarların verilməsini tələb etmir. Çünki tətbiq olunan sanksiyalar əsasən bankın kapitalına ABŞ-dan 30 gündən çox müddətə vəsaitin cəlb olunmasını məhdudlaşdırır. 

Bank əsas vəsaitləri bank ölkə daxilindən cəlb edir və baş ofis VTB-nin dəstəyindən istifadə edir. Bank müştəriləri qarşısında öhdəliklərini yerinə yetirir və bildirir ki, ABŞ tərəfindən məhdudlaşdırma tədbirlərinin uzadılması bankın nə fiziki, nə hüquqi müştərilərinə təsir etməyəcək.

Bank VTB-nin (Azərbaycan) səhmdar kapitalı Rusiya tərəfi – Bank VTB ASC (51% səhm),  Azərbaycan tərəfi – “AtaHolding” ASC (48.99%) və Əşrəf Kamilov arasında  (0.01%) bölünüb.

Bankın nizamnamə kapitalı  50,8 mln. manat təşkil edir 08D