Noyabrda Azərbaycana 1428 yeni və ikinci əl avtonəqliyyat vasitəsi gətirilib. Bu da oktyabrdan 9,5% çoxdur, oktyabrda 1304 avtomobil idxal edilib, bu da azı son 10 ildə ən aşağı göstəricidir.
Dövlət Gömrük Komitəsinin məlumatına görə, 11 ay ərzində 25 647 müxtəlif avtonəqliyyat vasitəsi idxal edilib. Bu da 2014-cü ilin eyni dövrü ilə müqayisədə iki dəfə azdır (56,8 min).
Ekspertlər qeyd edir ki, xaricədn avtomobil alışının azalmasının səbəblərindən biri bank sahəsində vəziyyətin pisləşməsi səbəbindən bankların avtomobil kreditlərini maliyyələşdirməsinə qoyduğu məhdudiyyətdir. Ekspertlər deyir ki, bundan əlavə, avtomobil kreditləri dollarla ifadədə verilir və ona görə də manatın qeyri-stabil olması səbəbindən avtomobil həvəskarları belə riskli addımdan çəkinir.
Bundan əlavə, 2015-ci ilin yanvar ayından xarici avtomobillərə aksiz dərəcələri artırılıb, bu da bazarda vəziyyəti bir qədər də ağırlaşdırıb.
Qeyd edək ki, bu il əsasən minik avtomobilləri idxal edilib (22 746). 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz