21 fəaliyyət növü üzrə lisenziyalaşdırma ləğv edilib

Prezident İlham Əliyev «Lisenziyalaşdırma sahəsində bəzi tədbirlər haqqında” Fərman imzalayıb. Fərmana əsasən, icbari lisenziyalaşdırma olunan növlər 58-dən 37-yə azaldılıb. Lisenziya qaydaları dəyişdirilib, baxılma müddəti və verilməsi qaydalarına düzəliş edilib.

Naxçıvan MR-da 22 fəaliyyət növü üzrə lisenziyalaşdırılmalıdır.

Nazirlər Kabineti lisenziyalaşdırma qaydasının dəyişməsi və bəzi fəaliyyət növləri üçün lisenziya alınması tələbinin ləğvi ilə əlaqədar müvafiq qanunlarının təkmilləşdirilməsinə dair təkliflərini hazırlayıb üç ay müddətində təqdim etməlidir. İqtisadiyyat və Sənaye Nazirliyi lisenziya verilməsi üçün tələb olunan şərtlərin  sadələşdirilməsi və təkmilləşdirilməsi ilə əlaqədar müvafiq qanun layihələrini iki ay müddətinə, “Elektron lisenziya” portalının Əsasnaməsinin layihəsini Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birlikdə üç ay müddətində hazırlayıb təqdim etməlidir.

Fərmanla turizm fəaliyyəti, otellər, alkoqollu içkilər və tütün məmulatının istehsalı, idxalı və satışı, sərnişin və yük daşımaları, kartoqrafiya və s lisenziyalaşdırılması ləğv edilib.

Fərmanın qüvvəyə mindiyi gün qüvvədə olan lisenziyalar müddətsiz hesab edilir. Qeyd edək ki, dövlət başçısının əvvəlki fərmanları ilə lisenziya verilməsi səlahiyyəti «ASAN Xidmət» vasitəsilə İqtisadiyyat və Sənaye Nazirliyinə verilib.

İqtisadiyyat və Sənaye Nazirliyi habelə lisenziyalarınvahid reyestrini aparır,  verilən, dayandırılan və ləğv edilən lisenziyalara barədə vergi orqanlarına məlumat verir.

Fərman həmçinin lisenziya verilməsi haqlarının iki dəfə azaldılmasını nəzərdə tutur. 08D