![ABŞ İran neftinin alınmasına qadağanı ləğv edib](https://turan.az/resized/media/2015/main/112000137216-750-500-resize.webp)
ABŞ İran neftinin alınmasına qadağanı ləğv edib
Prezident Barak Obama İran neftinin alınmasına qadağanı ləğv edən memorandum imzalayıb. Bu barədə noyabrın 18-də AĞ Evin mətbuat xidməti məlumat yayıb.
Bu barədə razılıq iyulun 14-də qəbul edilib. İran BMT Təhlükəsizlik Şurasına vəd edib ki, sanksiyaların ləğvi qarşılığında nüvə silahı istehsalı səylərindən imtina edəcək. Saziş pozulsa, sanksiyalar 65 günə bərpa edilə bilər. İranın sazişə əməl edəcəyi noyabrda xüsusi məruzədən sonra aydın olub.
İrana qarşı neft sanksiyaları 2012-ci ildən qüvvəyə minib. O vaxt İran ABŞ və Böyük Britaniyaya neft satışını dayandırıb. 2013-cü ildən İran nefti Aİ ölkələrinə də daxil olmur.
Siyasi qərarların ciddi iqtisadi nəticələri ola bilər. İran çoxdan bildirib ki, sanksiyalar ləğv edilsə, neft ixracını artıracaq.
Sanksiyalara qədər İran sutkada 4,2 mln barrel neft hasil edir, 2,5 mln barrel neft ixrac edirdi. Qadağalardan sonra tədarük 1,1 mln barrelə düşüb və Asiya-Sakit Okean regionuna olub. Hazırda İran sutkada 3 mln barrel neft hasil edir. İxrac son vaxtlar xeyli artıb. Rusiya Nef-qaz Sənayeçiləri İttifaqının eksperti Rüstəm Tankayevin fikrincə, hazırda İran sutkada 1,5 mln barrel neft ixrac edir.
Hər şey İranın neft hasilatının və iqtisadiyyatının artım tempindən asılı olacaq. Tankayev qeyd edir ki, indi İran İraqla sərhəddə yaxın yeni yataqların hesabına istehsalı artıra bilərdi. Ancaq bunun üçün investisiyalar lazımdır, neftin hazırkı qiyməti ilə isə investor tapmaq çətin olacaq.
Rayffayzenbankın analitiki Andrey Polişuk proqnozlaşdırır ki, düna bazarına əlavə həcmdə İran neftinin çıxması qiymətlərə təzyiq göstərəcək, ancaq çətin ki, bu, güclü təsir olsun, çünki İranla bağlı bazarın gözləntilərinin çox hissəsi geridə qalıb.
Ancaq o faktı da nəzərdən qaçırmaq olmaz ki, İran (İraq və Səudiyyə Ərəbistanı ilə yanaşı) artıq indidən bazardakı paya görə mübarizədə qiyməti salmaqla öz nefti ilə dempinq edir.
Neft sənayesindəki mənbənin Qazeta.ru-ya məlumatına görə, qeyd edilən üç ölkə neftin qiymətinin formulunun dəyişdirilməsi ilə bağlı razılıq əldə edib.
“Barrelin qiyməti nə qədər aşağı düşsə də, onlar daha ucuz satacaq”, - deyə mənbə Qazeta-ru-ya izah edir. Mənbənin sözlərinə görə, Səudiyyə Ərəbistanının noyabr ayı üçün diskontu bir barelə görə 0,5 dollar, İraqın – 0,35 dollar, İranın – 0,3 dollar təşkil edib. –0--
-
- İqtisadiyyat
- 20 Noyabr 2015 14:43
-
- Siyasət
- 20 Noyabr 2015 14:57
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz