«Azərbaycan Dəmir Yolları» QSC-nin rəhbəri Cavid Qurbanov Avropada Cənub-Qərb yeni nəqliyyat dəhlizini təbliğ edir.
ADY mətbuat xidmətinin məlumatına görə, noyabrın 2-də o, Vyanada “Avstriya Federal Dəmir Yolları” konserninin idarə heyətinin sədri Andreas Matte ilə görüşüb.
Görüşdə Avropa və Asiya arasında sərnişin və yük daşımalarında gələcək əməkdaşlıq imkanları müzakirə olunub.
A. Matte “Cənub-Qərb dəhlizi“ layihəsinin böyük maraq doğurduğunu və gələcəkdə bu mövzuda müzakirələrin aparılmasının vacibliyini qeyd edib.
Tərəflər gələcək əməkdaşlığı dərinləşdirmək və müvafiq layihələri müzakirə etmək üçün “Avstriya Federal Dəmir Yolları” ilə “Azərbaycan Dəmir Yolları” QSC-nin Avstriya nümayəndəliyi arasında əlaqələrin qurulması üçün razılıq əldə edib.
Buna qədər Cənub-Qərb yeni nəqliyyat dəhlizinin imkanları İran, Qazaxıstan və Çində müzakirə edilib.
Dəhliz Hindistan-Fars körfəzi-İran-Azərbaycan-Gürcüstan-Qara dəniz-Avropa marşrutu üzrə fəaliyyət göstərəcək. 08D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz