Ölkənin iqtisadi göstəricilərinin pisləşməsi nəqliyyat daşımalarına da təsir edir. 2015-ci ilin 9 ayında «Azərbaycan Dəmir Yolları» dövlət QSC-nin gəlirləri 4,1% azalıb.
Dövlətstatkomda Turan-a bildiriblər ki, yanvar-sentyabrda ADY-nin yük və sərnişin daşımalarından gəlirləri 7,2 mln manat azalaraq 171,6 mln manat olub.
Bununla belə, bu dövrdə ADY-nin mənfəəti 2014-cü ilin eyni dövrü ilə müqayisədə 11,1 mln manat artaraq 24,8 mln manat olub. Mənfəətlilik yük daşımalarından mədaxil hesabına əldə edilib.
Qeyd edək ki, 2015-ci ilin 9 ayında ADY-nin sərnişin daşımaları (1,4 mln nəfər) 24,8%, yük daşımaları (12,9 mln ton) 19,6% azalıb. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz