![Aİ-95 satışında kəsintilər ola bilər](https://turan.az/resized/media/2014/main/040600074578-750-500-resize.webp)
Aİ-95 satışında kəsintilər ola bilər
Aprelin 3-dən Аzpetrol şirkəti öz YDM-də Aİ-95 markalı benzin satışını dayandıra bilər. Şirkətin saytı bildirir ki, Azpetrol premium sinif benzin satışına başlayır və Aİ-95-dən istifadə edən yanacaq kredit kartı sabihlərinə xəbərdarlıq edir ki, Aİ-98 benzininə keçsinlər. Amma şirkət bu qərarı izah etmir. Məlumat aprelin 3-də qoyulub və müştərilərə seçim imkanı vermir. Şirkətdən məlumat almaq mümkün olmayıb – telefonlar susur.
Başqa şirkətlərin YDM-də bütün markalardan benzin, o cümlədən Aİ-95 almaq olar. Hərçənd Facebook-da Aİ-95-in YDM-lərdə olmaması barədə məlumat yayılıb.
Maraqlıdır ki, ARDNŞ-nin Bakı-Mərdəkan yolundakı YDM-də lövhədə Aİ-95-in qiyməti əvvəlki kimi - 80 qəpikdir. Amma yanacaqdolduranlar qiymətin 93 qəpik olduğunu bildirir. Sonra Tarif Şurasının adından məlumat yayıldı ki, bundan sonra Aİ-95 markalı benzin avro-4 standartına uyğun olan "Premium" markası ilə 93 qəpiyə satılacaq.
Hakimiyyət növbəti dəfə istehlakçıları aldadaraq benzinin qiymətini qaldırıb. Hökumət buna qədər də dəfələrlə öncədən məlumat vermədən qiymət dəyişikliyi edib.
Məlumdur ki, ARDNŞ aprelin əvvəlindən avtomobil benzini istehsalını müvəqqəti dayandırıb. Bu, onunla bağlıdır ki, ARDNŞ H.Əliyev adına NEZ-in iri qurğularında təmirə başlayıb.
ARDNŞ rəhbərliyi ilin əvvəlində H.Əliyev adına NEZ-in təmirə dayanacağını bildirmişdi. Təmir işləri bir il davam edəcək. Qiyməti qorumaq üçün hökumət fevralda idxal benzininin aksizlərinin azaldılması barədə qərar qəbul edib: Ai-92 və Aİ-80 – 2 dəfə, dizel yanacağı 3,2 dəfə, reaktiv mühərrik yağı 7,6 dəfə, nafta 5,4 dəfə, maye qaz 3 dəfə, mühərrik yağı (DT-36) 7 dəfə, mühərrik yağı (DT-20) 5,2 dəfə, soba mazutu 49 dəfə və bitum (BN-60/90, BNB-60/70) 16,4 dəfə.
H.Əliyev adına NEZ-in qurğuları istismara veriləndən sonra neft emalı ixracı dayandırılacaq, deyə şirkətdə Turan-a bildiriblər.
Eyni zamanda, aprelin 2-dən ölkə YDM-ləri Aİ-98-i litrinin qiymətini 1,5-dən 1,03 manata endirib. Görünür, bu, zərurət yaransa, Aİ-95-ə tələbatı təmin etmək üçün edilib. Beləliklə, Aİ-95 qırlığı ehtimalı var və Azpetrol YDM-lərində onun satışının məhdudlaşdırılması bundan xəbər verir.
Eyni zamanda, aprelin 2-dən Azərbaycan YDM-ləri Aİ-98 (Premium) markalı benzinin 1 litrinin qiymətini 1,5-dən 1,03 manata endirib. Amma 2013-cü ildə Azərbaycana bu benzindən cəmi 3 sistern gətirilib. Aydın deyil, tələb olunan Aİ-95 benzinini əvəz edən böyük həcmdə Aİ-98 hardan peyda olub? Bu, onu da göstərə bilər ki, Premium adı ilə Aİ-95 satılır, amma 13 qəpik baha. Hakimiyyətin benzinin markasının dəyişdirilməsi və qiymətin artırılması üzrə yarıpartizan hərəkətləri əhalinin növbəti dəfə aldadıldığına əlavə arqument ola bilər.—0—
-
- Cəmiyyət
- 5 Aprel 2014 15:44
-
- Foto sessiyalar
- 5 Aprel 2014 16:15
İqtisadiyyat
-
Azərbaycan Respublikası Dövlət Neft Fondu (ARDNF) 2024-cü ilin ikinci rübü üzrə fondun investisiya fəaliyyətinin yekunlarına əsasən, qızıla investisiyanın ötən illə müqayisədə 3,3% artdığını bildirib. Hazırda qızıla investisiyalar 8,57 milyard ABŞ dolları və ya ARDNF-nin dollar portfelinin 14,8%-ni təşkil edir.
-
Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində bildirib ki, Azərbaycana səfəri zamanı İsrailin regional əməkdaşlıq naziri David Amsalem ilə innovasiyalar kosmos və aviasiya sahəsində əməkdaşlıq məsələləri müzakirə olunub..
-
Ekspertlər xəbərdarlıq edir ki, neft gəlirlərinin azalması və artan inflyasiya təzyiqləri iqtisadi sabitliklə bağlı narahatlıqları artırdığından, Azərbaycan valyuta devalvasiyası gözləntilərinin artmasına hazırlaşır.
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
Rəy yaz