Aİ elektron kənd təsərrüfatı yaradılmasına texniki kömək göstərir

Bu gün Bakıda Avropa İttifaqının elektron kənd təsərrüfatının informasiya sisteminin yaradılması layihəsinə həsr edilmiş seminar keçirilib.

«İnformasiya texnologiyalarının tətbiqi ölkənin ərzaq təhlükəsizliyinin təmin edilməsinə müsbət təsir edəcək», Aİ-nin Bakı ofisinin rəhbəri Malena Mard məlumat verib.

1,4 milyon avro məbləğöində texniki yardım fermerlər arasında kənd təsərrüfatı subsidiyalarının ədalətli və şəffaf bölüşdürülməsi sisteminin yaradılmasını nəzərdə tutur. Bu, kənd təsərrüfatı istehsalının artırılmasına və kənd sakinlərinin həyat səviyyəsinin yüksəlməsinə təsir edəcək, deyə  Kənd Təsərrüfatı Nazirliyinin Aparat rəhbəri İlham Bayramov bildirib.

Layihə çərçivəsində fermerlərin reyestri və Azərbaycanda kənd təsərrüfatı torpaqları haqqında informasiya bazasının yaradılması planşlaşdırılır. Bu sistemin köməyi ilə kiçik fermerlər öz aralarında şəbəkə yarada biləcək.

Layihə 6 şirkətdən ibarət beynəlxalq konsorsium tərəfindən həyata keçirilir.

2014-cü ilin aprelində prezident İlham Əliyevin imzaladığı fərmana əsasən, 3 il ərzində kənd təsərrüfatının informasiya sistemi yaradılmalıdır. Bu tədbirlər çərçivəsində Bakı və regionlarda zəruri infrastruktur informasiya texnologiyaları və avadanlıq ilə təmin edilmiş inzibati və laboratoriya binaları tikilib. 08D