Azərbaycan İpoteka Fondu (AİF) aprelin 24-də 3 mln. manat məbləğində istiqrazın yerləşdirilməsi üzrə hərrac keçirəcək.
Fondun məlumatına görə, bu, AİF-in doqquzuncu emissiyadan olan istiqrazlarının üçüncü yerləşdirilməsi olacaq. Hərraca bir qiymətli kağızın nominal dəyəri 1 min manat olan 3 min ədəd istiqraz çıxarılır. İstiqrazlar 100,8417% qiymətlə hərraca çıxarılacaq.
AİF yanvar-aprel aylarında iki hərrac çərçivəsində doqquzuncu emissiyadan 8 mln. manat məbləğində istiqraz yerləşdirib.
Doqquzuncu emissiya (50 mln manat) 30 dekabr 2014-cü il tarixində Qiymətli Kağızlar üzrə Dövlət Komitəsində qeydiyyata alıb. Emissiya nominal dəyəri 1 min manat olan 50 min ədəd təmin edilmiş istiqraza bölünüb, istiqrazların tədavül müddəti 10 il, illik faiz dərəcəsi 3% təşkil edir.
AİF 2009-2014-cü illərdə 8 emissiya çərçivəsində ümumilikdə 340 mln. manat məbləğində istiqraz yerləşdirib. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz