Sığorta agentlərinin 91 faizi AXA MBASK-la əməkdaşlıqdan məmnundur

 “AXA MBASK” Sığorta Şirkəti sığorta agentliklərinin ehtiyaclarını, problemlərini və arzularını qiymətləndirmək məqsədilə “Media Consulting and Services” konsaltinq şirkəti yüzdən artıq respondentin (sığorta agentlərin) iştirak etdiyi anonim tədqiqat həyata keçirib.

Press-relizdə deyilir ki, tədqiqatın məqsədi əsas ehtiyacları və arzuları aşkar etməkdən başqa, şirkətin sığorta agentlərinin məmnunluq dərəcəsini və loyallıq səviyyəsini müəyyən etmək olub. Buna görə də respondentlərə şirkətin ümumilikdə işini qiymətləndirmək təklif edilib. Bundan əlavə, onlardan “AXA MBASK”la uzunmüddətli əməkdaşlığa razılığı da soruşulub.

* Tədqiqatın nəticələri göstərib ki, sorğuda iştirak etmiş agentlərin 91%-i “AXA MBASK”la əməkdaşlıqdan tam razıdır və onlar şirkəti və fəaliyyət sahəsini ən azı 5 il ərzində dəyişdirmək niyyətində deyillər. Bu daha çox agentin öz gələcəyini “AXA MBASK”la bağladığını, yeni və nüfuzlu sığorta agenti peşəsini isə kifayət qədər perspektivli və iqtisadi cəhətdən cəlbedici hesab etdiklərini göstərir.

Bundan başqa müəyyən edilib ki, sığorta agentlərinin 56%-i 3 ildən artıq müddətdə “AXA MBASK”la əməkdaşlıq edir.

*  Əlavə olaraq sorğunun nəticələri göstərib ki, “AXA MBASK” "işləməsi asan olan sığorta şirkəti" strategiyasına uyğun olaraq, agentlərin gündəlik işlərini asanlaşdırmağa və agentlərin asan sistemdə işləməsi üçün hazırlanmış xüsusi layihələrin sayəsində  respondentlərin 93%-i şirkətin İnformasiya Texnologiya xidmətlərindən tam razıdır.

*  Agentlərin 93%-i sığorta ödənişinin tez verildiyinə görə və müştərilərinin razılığına çalışdığı üçün “AXA MBASK”la işlədiyini bildirib.

*  Sorğuda iştirak edən agentlərin 88%-i Azərbaycanda agentlik peşəsinin gələcəyindən çox ümidli olduğunu deyib.

əgər bir neçə il bundan əvvəl sığorta agenti vəzifəsi əsasən ali təhsil müəssisələrinin məzunları olan gənclər üçün cəlbedici idisə, bu gün, sorğuya müvafiq olaraq, həm paytaxtda, həm də bölgələrdə şirkətin agentləri qismində iş adamları, kiçik və orta biznes sahibləri çıxış edir.

Sorğu zamanı agentlər həm fərdi biznesin genişləndirilməsinin və fasiləsiz aparılmasının təmin edilməsi, həm də şirkətin ümumilikdə gələcək inkişafı strategiyasının formalaşdırılması üçün zəruri olan aspektlər sırasında sığorta hadisələrin tənzimlənməsi prosesinin avtomatlaşdırılmasının təkmilləşdirilməsini, eləcə də agentlərin peşəkar səviyyəsini artırmaqla (işgüzar oyunlar, ustad-dərsləri, treninqlər) təklif edilən xidmətlərin keyfiyyətinin yaxşılaşdırılmasını qeyd ediblər.

”AXA MBASK” gələcəkdə də həm agentlər, həm də şirkətin müştəriləri arasında belə sorğuların təşkil edilməsini və aparılmasını planlaşdırır. Şirkətdən vurğulanıb ki, məmnunluq dərəcəsinin qiymətləndirilməsi vaxtında əks-əlaqəni qeydə almağa və öz servisin keyfiyyətinin artırılması üzrə tədbirlər görülməsinə imkan yaradır.--17D—