Mobil nömrələrin daşınması xidməti həyata keçirilir

Yanvar-apreldə Azərbaycanda 3,786 min abonent mobil nömrələrin daşınması xidmətindən istifadə edib. Bu barədə Rabitə və Yüksək Texnologiyalar Nazirliyinin saytında məlumat verilir.

Məlumata görə, I rübdə qeyd olunan dövrdə mobil cihazların qeydiyyat sistemində 201 mindən artıq cihaz qeydiyyata alınıb.

Həmin dövrdə müxtəlif tipli avadanlıqların mülki dövriyyəsinə 78 ədəd, müxtəlif tipli telekommuni­kasiya vasitələri və qurğularına 335 ədəd "Uyğunluq sertifikatı" verilib.

Hesabat dövründə 1 dövlət informasiya ehtiyatı və 6 fərdi məlumatların informasiya sistemləri dövlət qeydiyyatına alınıb. Beləliklə, qeydiyyata alınmış informasiya ehtiyatlarının sayı 79-a, informasiya sistemlərinin sayı isə 159-a çatıb.

Rabitə və Yüksək Texnologiyalar Nazirliyinin məlumatına görə, nömrələrin daşınması xidmətinin mahiyyəti mobil rabitə abonentinin bir operatordan asılılığının aradan qaldırılmasından ibarətdir. Xüsusilə abonentlər kod və nömrələrini dəyişmədən öz GSM operatorlarını başqası ilə əvəz edə biləcəklər. Bunun üçün abonentlər yalnız operatorun dəyişdirilməsi barədə ərizə yazmalıdırlar.

Hazırda ölkədə 3 mobil rabitə operatoru (“Azercell”, “Bakcell” və “Azerfon”) fəaliyyət göstərir. --17D—