Ölkə prezidenti İlham Əliyev hökumətə kiçik büdcəli Wizz Air aviaşirkətinin Azərbaycana qayıtması üçün şərait yaratmağı tapşırıb. Bu barədə Budapeştdə səfərdə olan Azərbaycanın sənaye və iqtisadiyyat naziri Şahin Mustafayev Macarıstanın XİN rəhbəri Piter Siyarto ilə görüşdə bildirib.
Xatırladaq ki, bir müddət əvvəl bu aviaşirkət inhisarçı olan dövlət şirkəti “Azal”ın müştərilərini əlindən aldığına görə Azərbaycandan “qovulub”.
Yaxın günlərdə şirkətin Bakı-Budapeşt marşrutu ilə birbaşa reysləri bərpa edəcəyi gözlənilir. Birtərəfli biletin qiyməti 49.99 avro təşkil edəcək. Wizz Air Budapeştdən Bakıya uçuşları 2013-cü ildə həyata keçirməyə başlayıb.
Wizz Air-in Azərbaycana qaytarılması qərarı sərnişinlərin qayğısına qalmaqla deyil, neft qiymətlərinin dəyişkənliyi və manatın ucuzlaşdığı bir dövrdə hakimiyyətin, nəhayət ki, turizmi inkişaf etdirmək lazım olduğunu dərk etməsi ilə şərtlənib, ekspertlər belə hesab edir.
“Müsbət dəyişikliklər” ictimai təşkilatının rəhbəri Bəxtiyar Hacıyev hesab edir ki, hava məkanına biletləri “Azal” və digər böyük şirkətlərdən 3-4 dəfə ucuz olan Pegasus, AtlasJet, OnurAir kimi kiçik büdcəli aviaşirkətlər də buraxılmalıdır.
“Qoy təkcə Bakıya deyil, ölkənin digər aeroportlarına da uçsunlar, əks halda bizim vətəndaşlarımız xaricə Tbilisidən uçacaq”, deyə o qeyd edib. -08В-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz