«Paşa Holding»in iki təmsilçisi sığorta bazarında 26,76% mükafat toplayıb. «Paşa Sığorta» (48,25 mln manat) və «Paşa Həyat Sığorta» (42,55 mln manat) sığorta haqları üzrə ilk yerləri tutub.
Azərbaycan Sığortaçılar Assosiasiyasının məlumatına görə, yanvar-sentyabrda cəmi 339,3 mln manat mükafat toplanıb. Bunun 54,7%-i ilk beşliyin payına düşür. Paşayevlər ailəsini təmsil edənlərdən başqa bura «Atəşgah» (35,3 mln manat), «Atəşgah Həyat» (30,2 mln manat) və «Azərsığorta» (29,3 mln manat) da daxildir.
9 ayda 6 şirkətin sığorta haqları 1 mln manatı keçməyib. Bunların 4-ü yarısını da toplamayıb və onların rentabelliliyi şübhəlidir.
Ödənişlərdə də «Paşa Sığorta» (21,7 mln manat və ya 17%) liderdir. Sığorta ödənişlərinin ümumi həcmi 127,4 mln manat olub. 1 oktyabr üçün onların sığorta haqlarına nisbəti 100 manata 37,6 manat olub. Bu göstərici son 3 ildə artıb. --17D—
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz