“Azərbaycan İnvestisiya Şirkəti” ASC Britaniyanın “IDTechEx” konsaltinq şirkəti ilə karbon nano boruların istehsalı perspektivinin öyrənilməsi üzrə müqavilə imzalayıb.
Satınalmalar üzrə Dövlət Agentliyinin məlumatına görə, Britaniya şirkəti Azərbaycanda yaradılması nəzərdə tutulan Karbon Nano Boru istehsalı zavodu üzrə potensial tərəfdaşın və onun təklif etdiyi texnologiyanın təhlili, eləcə də ümumilikdə Karbon Nano Boru məhsulları üzrə qlobal tendensiyaların qiymətləndirilməsi ilə bağlı məsləhət xidmətlərinin satın alınması üzrə xidmət göstərəcək. Müqavilənin qiyməti vergi nəzərə alınmadan $45 mindir.
2014-cü ilin dekabrında Bakıda “Azərbaycan İnvestisiya Şirkəti” ASC, “Sumqayıt Kimya Sənaye Parkı” MMC və ABŞ-ın “SouthWest NanoTechnologies” (SWeNT) şirkəti arasında üçtərəfli Anlaşma Memorandumu imzalanıb.
Tərəflər parkın ərazisində karbon nano boruların (KNB) istehsalının təşkili sahəsində əməkdaşlıq edəcəklər. İlkin olaraq ildə 1000 ton KNB-nin istehsalı gözlənilir.
Qeyd dək ki, KNB ən kəskin şəraitdə belə yüksək davamlılığı ilə seçilən və bir çox məqsədlər üçün istifadə olunan karbon tərkibli (qrafen) boru şəkilli nano materialdır. AİŞ 2006-cı ildə dövlət vəsaiti ilə qeyri-neft iqtisadiyyatına dəstək üçün yaradılıb və 10-a yaxın şirkətin kapitalında iştirak edir. 08B
İqtisadiyyat
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
-
Nazirlər Kabineti, ölkənin elektrik infrastrukturunun gücləndirilməsi məqsədilə qəbul edilmiş yeni qanunlara uyğun olaraq, energetika sahəsində əhəmiyyətli dəyişikliklər edib. 29 dekabrda Baş Nazir Əli Əsədov tərəfindən imzalanan qərar, bir neçə əvvəlki hökumət qərarına dəyişikliklər tətbiq edir və elektrik istehsalı və avadanlıqların istismarı ilə bağlı əsas qaydaların ləğvini nəzərdə tutur.
Rəy yaz