Azərbaycan Nazirlər Kabineti "Azərbaycan Respublikasında elm işçilərin attestasiyasının keçirilməsi Qaydaları"nı təsdiq edib
Sənəd ölkə prezidentinin sərəncamı ilə təsdiq edilmiş “Azərbaycan Respublikasında 2009-2015-ci illərdə elmin inkişafı üzrə Milli Strategiyanın həyata keçirilməsi ilə bağlı Dövlət Proqramı"nın icrasına dair Tədbirlər Planı”nın icrası məqsədi ilə hazırlanıb.
Attestasiya elmi işçilərin tutduqları vəzifələrə uyğunluğunu araşdırmaq məqsədi ilə peşəkar fəaliyyətin qiymətləndirilməsi əsasında aparılır və elmi işçilərin tədris və yaradıcılıq imkanlarının səmərəli istifadəsinə, peşəkarlıq səviyyəsinin yüksəldilməsinə, kadrların seçilməsinin, hazırlanmasının və yerləşdirilməsinin optimallaşdırılmasına, elmi işçilərin mənəvi və maddi maraqlarının yüksəldilməsinə yönəldilir. Attestasiya komissiyalarının işi aşkarlıq şəraitində, obyektiv, qərəzsiz və qanunvericiliyin tələblərinə uyğun aparılmalıdır. Attestasiya zamanı monoqrafiyalar, resenziyalı jurnallarda, elmi məcmuələrdə, elmi dövri mətbuatda, elmi tədbirlərin nəşrində, qeydiyyatdan keçmiş elmi elektron nəşrlərdə dərc edilmiş materiallar nəzərə alınır. Həmçinin elmi tədbirlərdə (qurultaylarda, konfranslarda, simpoziumlarda və s.) məruzələri, pedaqoji fəaliyyəti (mühazirə kurslarının oxunması, seminarların keçirilməsi və doktorantlara rəhbərliyi) haqqında məlumatlar da faydalıdır.
Azərbaycanın elmi mühitində dəyişiklik olmamasının göstəricisi odur ki, attestasiya komissiyası elmi hissələrin rəhbərliklərinin verdiyi xasiyyətnaməni (sərf etməyənlər ixtisara düşəcək) nəzərə alacaq.
Müsbət cəhət odur ki, attestasiya olunan elmi işçinin yalnız siyasi baxışlarına, mənəvi, əxlaqi kamilliyinə, şəxsiyyətinə, etiqadına və digər sırf şəxsi dəyərlərinə görə, o cümlədən intizamlılıq dərəcəsinə görə peşəkarlıq səviyyəsinin qiymətləndirilməsi yolverilməzdir.
Əlillər, dövlət mükafatları, müharibə zamanı təltifləri olanlar, qaçqın və köçkünlər, hamilələr, sosial məzuniyyətdə olan qadınlar attestasiyadan keçirilmir.
Attestasiya komissiyası tərəfindən barəsində tutduğu vəzifəyə uyğun olmadığı haqqında qərar çıxarılmış işçinin əmək müqaviləsi Əmək Məcəlləsinin 70-ci maddəsinin "c" bəndinə uyğun olaraq, həmçinin həmin Məcəllənin 71-ci maddəsində nəzərdə tutulan qaydalara əməl edilməklə, işəgötürən tərəfindən ləğv edilir. --17D—
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz