Akkord korporasiyası sulfatadavamlı sement istehsalına başlayıb

Akkord korporasiyasının  Qazax Sement Zavodu sulfatadavamlı sement məhsulu (PPS 400 markalı) istehsal etməyə başlayıb.

Akkordun mətbuat xidmətində Turan-a bildiriblər ki, yeni məhsul  Azərbaycan Respublikası Standartlaşdırma, Metrologiya və Patent üzrə Dövlət Komitəsi tərəfindən yoxlanılmış və Uyğunluq Sertifikatı alıb. Bu sement yalnız qalaq şəklində istehsal olunur.

SulfaSem kimyəvi mühitdə istismar olunan və təbii suların daimi təsirinə məruz qalan beton konstruksiyaların, həmçinin beton bünövrə və yeraltı qurğuların uzunömürlü və möhkəm olması üçün tövsiyə edilir. Bu sement həmçinin su hovuzları, quyu və kanalizasiyaların beton işlərində istifadə oluna bilər.

Qazax Sement Zavodu bir ildir işləyir. Bu dövrdə sement bazarında 10% paya malik olub. Birinci mərhələnin məhsuldarlığı ildə 1 mln ton sementdir.

Sulfatadavamlı sementi portlandsement klinkeri və gipsi narın üyütməklə istehsal edirlər. 08D