Qiymətli Kağızlar üzrə Dövlət Komitəsi oktyabrın 31-də “Trust Asset Management” MMC-yə aktivlərin idarə olunması üzrə fəaliyyət ilə məşğul olmaq üçün müddətsiz lisenziya verib.
Bu, aktivlərin (qiymətli kağızlar və ya pullar) idarə olunması üzrə fəaliyyət üçün lisenziya alan üçüncü şirkətdir. Şirkətin ilkin kapitalı 500 min manatdır. O, iyulun 22-də yaradılıb.
Azərbaycanda kommersiya hüquqi şəxslərin təsisçiləri haqda məlumatlar 2012-ci ilin iyunundan məxfidir. Amma kommersiya hüquqi şəxslərin reyestri və yeni şirkət haqda baza informasiyasına əsaslanıb ehtimal etmək olar ki, “Trust Asset Management” “Azersun Holding” MMC-yə yaxındır.
Şirkətin Müşahidə Şurasında “Azersun Holding” İH sədri Abdolbari Gözəl, holdinqin baş direktorunun müavini Nazim Quliyev, Mиlli Depozit Mərkəzi və Bakı Fond Birjasının keçmiş sədri Fariz Əzizov təmsil olunub.
MMC investorların mənfəət əldə etməsi üçün qiymətli kağızlar və ya pul vəsaitlərinin peşəkar idarəçiliyini təmin etməyi planlaşdırır.
İlk iki lisenziyanı "İnvest Az Asset Management" (NK – 125 min manat) "AzFinance Asset Management"dir (NK – 150 min manat) . Hələlik bu şirkətlər öz fəaliyyəti barədə informasiya vermir. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz