Rəsmi mətbuatda “Alfa Sığorta” ASC-nin illik hesabatı dərc edilib. Beləliklə, ötən ilin yekunlarına görə, şirkətin gəliri 4 mln. 56 min 765,69 manat səviyyəsində olub. Böyük hissəni sığorta tədiyələri tutub (2 mln. 573,7 min manat), investisya gəlirləri 333,9 min manat təşkil edib. Digər mənbələr üzrə də gəlirlər olub.
Xərclər sığorta edənin qazancını üstələyərək 4 mln. 512 min 232,1 manat təşkil edib. Sübut edilmiş hallar üzrə sığorta ödənişləri 1 mln. 549 min manat, sığorta işlərinin aparılması xərcləri 1 mln. 807,6 min manat, təkrar sığorta xərcləri 570,4 min manat təşkil edib.
İl ərzində ASC-nin aktivləri 11 mln. 192,51 min manatadək (-14,8%), öhdəliklər 3 mln. 498,76 min manatadək (-29,8%), xüsusi kapital 7 mln. 693,76 min manatadək (-5,6%) azalıb. Banklarda depozitlərin həcmi də 3 mln. 830 min manatadək (-42,3%) azalıb.
Beləliklə, “Alfa Sığorta” ötən ili 455,47 min manat zərərlə (2014-cü ilin yekunları üzrə xalis gəlir 106 min manat olub) başa vurub.
“Alfa Sığorta” 7,8 mln. manat nizamnamə kapitalı ilə fəaliyyətə 1997-ci ildə başlayıb. Yeganə səhmdarı “TexnikaBank”dır. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz