Azərbaycanda qaz istehsalı durmadan azalır. Bunu Dövlətstatkomun aylıq məlumatları göstərir.
DSK-ya görə, 2011, 2012 və 2013-cü ilin yanvarında ölkədə əmtəəlik qaz istehsalı 2 mlrd m3, 1,6 mlrd m3 və 1,5 mlrd m3 olub.
Bunu necə izah etməli? Azərbaycan Neft Araşdırmaları Mərkəzində bildirirlər ki, bu, neft hasilatının azalması ilə bağlıdır. Məsələ burasındadır ki, ölkədə neft çıxarılan zaman əldə edilən səmt qazı payı çoxdur. Ümumi qaz hasilatında onun payı 55-60%-dir. DSK-ya görə, təkcə 2013-cü ilin yanvarında ölkədə neft hasilatı 2,5% və ya 100 min ton azalıb. Buna görə səmt qazı da az alınıb.
ANAM-da deyiblər ki, ölkədə səmt qazının ən iri istehsalçısı BP-Azerbaijan-dır: şirkət onu “Azəri-Çıraq-Günəşli”də çıxarır. ARDNŞ-nin məlumatına görə, 2011-ci ildə (2012-ci ilin audit məlumatları hələ verilməyib - red.) ölkədə çıxarılan 25,75 mlrd m3 qazın 11,94 mlrd m3-i (46,4%) BP-Azerbaijan-ın payına düşüb. --12D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz