![Yanvarda AÇG-də sutkada 675 min barrel neft çıxarılıb](https://turan.az/resized/media/2013/main/021900029047-750-500-resize.webp)
Yanvarda AÇG-də sutkada 675 min barrel neft çıxarılıb
2013-cü ilin yanvarında “Azəri-Çıraq-Günəşli” kontrakt meydançasında 20 mln 900 min barrel və ya 2 mln 824,3 min tion neft çıxarılıb. Bu barədə Turan hökumət mənbələrindən öyrənib.
Turan-ın müsahibi deyib ki, konsorsium yanvarda orta hesabla ötən ilin dekabrındakı qədər neft çıxarıb- 675 min barrel. AÇG üzrə yanvar göstəriciləri 2012-ci ilin IV rübündəki orta göstəricidən yüksək olub. "Amma bu, texniki səbəblərdən baş verib. 2012-ci ilin oktyabrında "Dərinsulu Günəşli" platformasında 3 həftə sualtı infrastrukturda işlər və modernləşmə ilə bağlı hasilat olmayıb", - deyə Turan-ın müsahibi bildirib.
Ümumilikdə 2012-ci ilin yanvarı ilə müqayisədə AÇG kontrakt meydançasında hasilat azalıb. BP-Azerbaijan-ın hesabatına görə, 2012-ci ilin I rübündə AÇG-də sutkada 711,8 min barrel neft çıxarılıb. Bu rüblük məlumatı və o vaxt da tədrici hasilat azalmasını nəzərə alsaq, ehtimal etmək olar ki, ötən yanvarda konsorsium sutkada 720 min barrel neft çıxarıb.
Bu ilin əvvəlində hasilatın ötən ilin əvvəli ilə müqayisədə azalması təbiidir. Hazırda konsorsium yeni istismar quyuları qazır və bunun nəticələri ilin ortalarında görünəcək.
İlkin məlumata görə, 2012-ci ildə AÇG-də 33 mln ton neft çıxarılıb. Bu, 2011-ci ildəkindən 2,46 mln ton azdır. --12В—
-
- İqtisadiyyat
- 19 Fevral 2013 17:33
-
- Siyasət
- 19 Fevral 2013 17:47
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz